पर्सा वीरगन्ज), २८ जेठ । पर्साको पोखरिया गाविस-९ स्थित तीनवटा घरमा गएराति आगलागी हुँदा लाखौँको क्षति भएको छ । स्थानीय देवनारायण साहको घरमा खाना पकाउने क्रममा आगलागी हुँदा आगो सल्किएर छिमेकी सोनालाल साह र लक्ष्मी साहको घरमा पनि आगलागी भएको र सो क्रममा रु पाँच लाख मूल्य बराबरको धनमाल क्षति भएको प्रहरीले अनुमान गरेको छ । उक्त आगलागीमा उनीहरुको घर जलेर नष्ट भएको इलाका प्रहरी कार्यालय पोखरियाका प्रहरी निरीक्षक सन्तु जैसवालले जानकारी दिनुभयो । आगोका कारण लत्ताकपडा, खाद्यान्न, चौपाया जलेर नष्ट भएको पनि पीडितहरुले बताएका छन् । स्थानीयवासी र सशस्त्र प्रहरीको सहयोगमा आगो नियन्त्रणमा ल्याइएको थियो । रासस
समाचार
»
आगलागीका कारण लाखौँको क्षति
आगलागीका कारण लाखौँको क्षति
Tags:
समाचार
Kantipur Fm 
