बम विस्फोटमा दुई घाइते

१९ साउन, सुनसरी । सुनसरीको बविया गाविस-३ मा सशस्त्र समूहले लुकाई राखेको विस्फोटक पदार्थ विस्फोट हुँदा तीन जना घाइते भएका छन् ।  स्थानीय रामेश्वर मेहताको घरमा राखिएको विस्फोटक पदार्थ गएराति विष्फोट हुँदा सशस्त्र समूहका श्याम मेहता, जाकीर मन्सुरी र नारायण मेहता घाइते भएको सुनसरी प्रहरीका निरीक्षक राजेन्द्र पराजुलीले जानकारी दिनुभयो । घाइतेहरुको प्रहरीको निगरानीमा विराटनगरस्थित न्यूरो अस्पतालमा उपचार भइरहेको छ ।  अरु पनि विस्फोटक पदार्थ हुन सक्ने आशंकामा प्रहरीले मेहताको घर आसपासको क्षेत्रलाई घेराउ गरी राखेको छ । हतियार सहितका प्रहरीले गाउँ घेरेपछि स्थानीय आतंकित भएका छन् । यसैबीच नेपाली सेनाको पूर्वी पृतनाबाट आएको डिस्पोजल टोलीले घटनास्थलमा रहेको उउटा सकेट बम निस्क्रिय पारेको छ । घटनाबारे थप अनुसन्धान भइहेको जिल्ला प्रहरी कार्यालय सुनसरीले जनाएको छ ।

source:-onlinekhabar