बालबालिकाको निधनले शोकाकुल

शंकर आचार्य नौकाटोला -पर्सा, जेष्ठ १०  - गाउँका चार बालबालिकाको निधनले न्ाौकाटोला शोकमा डुबेको छ । करिब ५५ घरधुरी रहेको जीतपुरमा अहिले सन्नाटा छ ।

चार दिनदेखि बेपत्ता बालबालिकाको शव आइतबार बिहान गाउँदेखि दक्षिण-पश्चिमको बगैंचाछेउ बालुवाको खाल्डोमा फेला परेपछि यो टोलमा शोक छाएको हो । बिहीबार बिहान बेपत्ता स्थानीय छठु दासकी ६ वषर्ीया छोरी अनिसा, परमेश्वर दासका ५ वषर्ीय छोरा राजकुमार र वृजलाल चौधरीका ५ वषर्ीय छोरा दीपनारायण र ७ वषर्ीया छोरी दीपमालाको शव त्यहाँ फेला परेको थियो । अपहरण आशंकामा उनीहरूको खोजी गरिएको थियो । त्यस क्रममा गाउँनजिकै शव भेटिएपछि आफन्त मर्माहत छन् । आइतबार स्थानीय विद्यालय बन्द थियो । प्रायः सबै गाउँलेले आइतबार छाक छाडे । अधिकांश गाउँलेको आइतबारको रात अनिँदो रहेको स्थानीय वृद्ध एवं घटनामा ज्यान गुमाएका दुई बालबालिका दीपमाला र दीपनारायणका हजुरबुबा वासुदेव चौधरीले भने ।

'मैले एकसाथ तीन नातिनातिना गुमाएँ, म मात्र होइन अधिकांश गाउँले रातभरि सुत्न सकेनौं,' उनले भनेे । ज्यान गुमाएका राजकुमार भतिजाका छोरा हुन् । एकै परिवारका ३ बालबालिकाले ज्यान गुमाउँदा परिवार मर्माहत बनेको हो । मृत बालबालिकामध्ये अनिसाको हातमा केही लिची फेला परेकाले नजिकमा रहेको लिचीको रूखबाट झरेको लिची टिप्न ती बालबालिका त्यहाँ गएका र संकलन भएको लिची खाल्डोमा बसेर खाँदै गर्दा बालुवाको ढिस्को भासिएको हुन सक्ने प्रहरीको शंका छ । प्रहरी नायब निरीक्षक विष्णुप्रसाद सापकोटाले भने, 'स्यालले खोस्रेको र काग झुम्मिएको नदेखेको भए बालबालिका हराएको घटना रहस्यमै रहने थियो ।' बालुवाको ढिस्को पहिलेदेखि चर्केको र खाल्डो करिब ५ फिट गहिरो भएकाले वयस्क १०/१५ जना व्यक्ति पनि उक्त दुर्घटनामा एकै चिहान हुन सक्ने अवस्था रहेको उनले बताए । बालुवाको ढिस्को ठूलो भएकाले त्यो ढिस्को फुटाउन प्रहरी र स्थानीय बासिन्दालाई अप्ठ्यारो परेको थियो । घटनाको समयमा सबै बालबालिका अभिभावकसँग जंगलमा दाउरा लिन गएका थिए ।

वृजलाल चौधरीले छोरा दीपनारायण र छोरी दीपमालालाई गुमाए । ३ सन्तानमध्ये उनका अब १० वषर्ीया छोरी गीतमाला मात्र छिन् । उनकी पत्नी सरस्वती टोलाएर मात्र बस्छिन् । उनी पटकपटक मूच्छिर्त हुने गर्छिन् । छठु दास र रितादेवीको अवस्था पनि सरस्वतीको जस्तै छ । ४ छोरा र १ छोरी गरी ५ सन्तानकी आमा मानमतीले पनि छोरा गुमाइन् । उनीसँग पनि बोल्ने कुनै शब्द छैन ।

via kantipur