सिराहा जिविसमा बम भेटियो

३२ असार । जिल्ला विकास समितिको कार्यालय सिराहामा आज बिहान प्रेसरकुकर बम फेला परेको छ ।  जिविस भवनको पर्खालको बाहिरपट्टीको भागमा पाँच लिटरको प्रसरकुकर बम फेला परेको प्रहरीले जनाएको छ । उक्त स्थानलाई प्रहरीले नियन्त्रणमा लिएको छ । सिराहा प्रहरीका अनुसार नेपाली सेनाको डिस्पोजल टोलीको सहयोगमा बम निस्क्रय बनाउने प्रयास भइ्हेको छ । बम कसले र कुन प्रयोजनका लागि राखेको हो भन्ने खुल्न सकेको छैन ।