एकै परिवारका चार जनाको हत्या एकको अवस्था गंम्भीर

Share

डिल्लीराम खतिवडा उदयपुर, अषाढ २३ - अज्ञात समूहले उदयपुरको ठानागाउँ गाविस, ५ मा बुधबार राति एकै परिवारका चार जनाको हत्या गरेको छ । हतियार सहित आएको समूहले खेसबहादुर मगर, उनकी पत्नी र दुई छोरीको हत्या गरेको स्थानीय दलबाहदुर ठकुरीले बताए ।   हत्याराले खेसबहादुरका ९ वर्षीय छोरा नेत्रबहादुरलाई समेत आक्रमण गरी घाइते बनाएको छ । हत्या गरिएका खेसबाहदुरकी पत्नी र दुई छोरीको नाम नखुलेको दलबहादुरले बताए । नेत्रबाहदुरको शरिरमा धारीलो हतियारले जताततै काटिएको अवस्थामा छाडिएको  स्थानीयले बताएका छन्  । उनको अवस्था गम्भीर छ ।  ४ छोरी, दुई छोरा र पत्नी सहित ८ जनाको परिवार रहेका खेसबाहदुरकी दुई छोरी र एक नाबालक छोरा भने शकुसल रहेको दलबहादुरले बताए । एउटी छोरी जिल्लाको कटारी बजारमा ज्याला मजदुरी गरेर उतै बस्ने गरेको र अर्की छोरी गाउँ तिर गएकाले बच्न सफल भएकी हुन् । खेसबाहदुरका कान्छा छोरा ११ महिनाकोमात्रै भएकोले उनलाई हत्यारले केही नगरेको  स्थानीयले टेलिफोनबाट इ–कान्तिपुरलाई जानकारी दिए ।  हत्याको कारण र समूहको पहिचान हुन नसकेको स्थानीयले जनाएका छन् । गाउँमा गएकी छोरी बिहान घर आउदाँ हत्या भएको खुलेको हो । खेसबहादुरको घर एकान्तमा भएकाले हत्याबारे राति गाउँलेले थाहा नपाएको दलबहादुरले बताए ।    प्रहरी चौकी रुपटारलाई हत्याको जानकरी दिन खेसबहादुरका छिमेकी महेन्द्र मगर, बेदकृष्ण मगर र युवराज मगर गएको दलबहादुरले जनाए ।  हत्याको जानकारी आइनपुगको प्रहरी नायव उपरीक्षक नरेन्द्रप्रसाद उप्रेतीले बताए । 

ekantipur