फेसबुकले सङ्गीत सेवा दिने

एजेन्सी सान फ्रान्सिस्को-एक वैकल्पिक सञ्चारमाध्यमको स्थान लिई आएको विश्वप्रसिद्ध साइट फेसबुकले नयाँ सङ्गीत कार्यक्रम पनि सञ्चालन गर्ने भएको समाचार छ । अर्काे त्यस्तै लोकप्रिय वेभसाइटसँग मिलेर उसले यो कार्यक्रम सञ्चालन गर्ने योजना बनाएको हालै सावर्जनिक गरेको अमेरिकी सञ्चारमाध्यमहरुले जनाएका छन् । एक प्राविधिक ब्लग जिग्मा ओएमका अनुसार फेस बुकको पेजमा एउटा नयाँ ट्याब उपलब्ध गराइने छ र सोही साइटमा फेसबुकका प्रयोगकर्ताहरुले म्युजिक सेवा पनि लिन पाउने छन् ।सो म्युजिक साइटमा तस्बिर र म्युजिकहरु उपलब्ध हुनेछन् । फेसबुक पेजको देब्रेतर्फ सो सेवाका लागि छुट्टै ट्याब उपलब्ध हुनेछ । सो म्युजिक नामको साइटमा क्लिक गरेपछि त्यहाँबाट प्रयोगकर्ताले म्युजिक ड्यासबोर्ड नामकको सेवा प्राप्त गर्नसक्ने पनि फेसबुक सञ्चालकहरुले जनाएका छन् । सो साइटबाट यसका प्रयोगकर्ताहरुले आफूलाई मन परेका गीतहरु सिधै प्राप्त गर्नुका साथै यसमा आफूलाई मन परेका गीतहरुका लागि अनुरोध पनि पठाउनसक्ने पनि बताइएको छ ।