सिन्धुलीको बस दुर्घटनामा चारको मृत्यु, घाइतेको संख्या २८ पुग्यो

मधुसुदन गुरागाइँ, बनेपा, जेठ २३- सिन्धुली सदरमुकामबाट चकमके जाँदै गरेको एउटा यात्रु बस दुर्घटना हुँदा चार जनाको घटनास्थल मै मृत्यु भएको छ। ना ३ ख २६१४ नम्बरको बस धमिले, तीनकुनेमा पल्टिएको हो। घटनामा घाइते हुनेको संख्या २८ पुगेको छ।       घाइतेहरुलाई उपचारका लागि धुलिखेल अस्पताल ल्याइँदैछ।  मृतकको सनाखत हुन बाँकी छ।  आज भएको यो चौथो दुर्घटना हो। यसअघि तनहुँमा आज बिहान भएका दुई दुर्घटनामा १० यात्रु घाइते भएका थिए।   दमौलीबाट डुम्रेतर्फ जाँदै गरेको ना ३ ख ६०५७ नम्बरको बस र विपरीत दिशाबाट आउँदै गरेको ना ४ ख २८६१ नम्बरको बस एक आपसमा ठक्कर खाँदा ७ यात्रु घाइते भएका थिए। त्यसैगरी चितवनबाट समान लिएर दमौलीतर्फ आउँदै गरेको ना ३ ख ७८४२ नम्बरको ट्रक घाँसिकुवा गाविसकै कमलबारीमा सडकबाट ४० फिट तल खसेर दुर्घटना हुँदा ३ जना घाइते भएका थिए।  त्यसैगरी पूर्वी चितवनको खैरहनीमा आजै बिहान छ बजे बस र ट्रक ठक्कर खाँदा दुई जनाको मृत्यु भएको छ। घटनामा १५ जना घाइते भएका छन्।

nagriknews