पर्सा वीरगन्ज । काठमाडौँबाट वीरगन्ज आइरहेको यात्रुबाहक टाटासुमो र वीरगन्जबाट जीतपुरतर्फगइरहेको यात्रुबाहक टेम्पो एकापसमा वीरगन्ज-पथलैया सडकखण्डअर्न्तर्गत पर्सा परवानीपुरमा ठोक्किँदा आठजना यात्रु घाइते भएका छन् ।ना१च २८१५ नंको सुमो ना१ह ७२३ नंको टेम्पोमा ठोक्किँदा उक्त दुर्घटना भएको हो । घाइतेमध्ये दुइजनाको अवस्था गम्भीर रहेको जिल्ला ट्राफिक प्रहरी कार्यालयले जनाएको छ । गम्भीर घाइते हुनेमा बाराको ककडी निवासी भीमबहादुर धिताल र पर्सा झौवागुठी निवासी रघुनाथ प्रसाद रहेका छन् । उनीहरुको वीरगन्जस्थित नारायणी उपक्षेत्रीय अस्पतालमा उपचार भइरहेको छ । टेम्पो चालक र सुमो चालकलाई प्रहरीले आफ्नो नियन्त्रणमा लिएको छ । टेम्पोमा सवार सबै यात्रुहरु घाइते भएको पनि प्रहरीले जानकारी दिएको छ ।यसैबीच वीरगन्जको सीमावर्ती इनर्वा प्रहरीले गएराति एक दर्जनभन्दा बढी मदिरा भट्टीहरु नष्ट गरेको छ । सीमा क्षेत्रमा अवैधरुपमा सञ्चालनमा रहेका उक्त मदिरा भट्टीहरु नष्ट गरिएको हो । इनर्वा क्षेत्रमा रहेका सातवटा मदिरा भट्टी नष्ट गरिएको प्रहरी चौकी इनर्वाका प्रहरी नायब निरीक्षक जयकृष्ण कुर्मीले जानकारी दिनुभयो । उहाँले सो क्रममा करिब पाँच हजार लिटर घरेलु मदिरा नष्ट गरिएको पनि बताउनुभयो । नियम विपरीत उक्त भट्टीहरु सञ्चालनमा रहेका कारण कारबाहीस्वरुप नष्ट गरिएको र यो अभियान जारी रहेको उहाँले बताउनुभयो ।सीमा क्षेत्रमा रहेका अन्य अवैध मदिरा भट्टीहरु पनि नष्ट गरिने प्रहरीले जानकारी दिएको छ । सीमा क्षेत्रको भट्टीको आडमा आपराधिक गतिविधि सञ्चालन हुने प्रहरीको ठम्याइ छ ।रासस
समाचार
»
घरेलु मदिरा भट्टी नष्ट, टेम्पो ठोक्किँदा आठ घाइते
घरेलु मदिरा भट्टी नष्ट, टेम्पो ठोक्किँदा आठ घाइते
Tags:
समाचार
Kantipur Fm 
0 commentaires