२९ जेठ, पर्वत । हिमालपारीको जिल्ला मुस्ताङको कोबाङ र लेते गाविसमा कालिगण्डकी नदीबाट एक सय मेगावाट विद्युत् उत्पादन गर्न विस्तृत अध्ययन सुरु भएको छ । मुस्ताङको कोबाङ र लेते गाविसस्थित कालिगण्डकी नदीबाट एक सय मेगावाट विद्युत् उत्पादन गर्न सकिने नर्वेको विषेशज्ञ टोलीले प्रारम्भिक अध्ययन प्रतिवेदन दिएपछि विस्तृत अध्ययन सुरु गरिएको हो ।
यस क्षेत्रमा कालीगण्डकी नदीबाट विद्युत् उत्पादनका लागि भारतीय लगानी रहेको गि्रन भेन्चरले आˆनो परामर्शदाता कम्पनी अम्बेश्वर इन्जिनियरिङ हाइड्रोपावर प्रालिमार्फत कोबाङदेखि घाँसासम्मको सामाजिक सांस्कृतिक, आर्थिक, वातावरणीय अवस्थाको बारेमा अध्ययन गरेको छ ।
ग्राउण्ड नेचर सर्भेका सिनियर इन्जिनियर सुरेश श्रेष्ठको नेतृत्वमा १० जनाको टोलीले अहिले आयोजनाबाट प्रभाव पार्ने सक्ने क्षेत्रको स्थलगत अध्ययन गरेको हो । मुस्ताङको टुकुचे, कोबाङ, कुञ्जो र लेते गाविससम्म आयोजनाको प्रभाव रहने हुँदा त्यस क्षेत्रका स्थानीयबासिन्दा, अस्पताल, गाविस, विद्यालय, स्थानीय स्वास्थ्य चौकी तथा विभिन्न सङ्घ संस्थासँग सो टोलीले सुझाव सङ्कलन गरेको थियो ।
onlinekhabar
Kantipur Fm 
0 commentaires