एसएलसी परीक्षाको परीक्षाफल असार १४ भित्र

 काठमाडौँ, जेठ २६   परीक्षा नियन्त्रण कार्यालय सानोठिमीले गत चैत १० गतेदेखि सुरु गरेको प्रवेशिका अर्थात् एसएलसी परीक्षाको परीक्षाफल आउँदो असार १४ गतेभित्र प्रकाशित गर्ने भएको छ । परीक्षा नियन्त्रक सुर्यप्रसाद गौतमले जतिसक्दो चाँडो परीक्षाफल प्रकाशित गर्ने योजनाका साथ काम भइरहेको बताउँदै यसवर्षअसार १२ देखि १४ भित्र परीक्षाफल र्सार्वजनिक गर्ने बताउनुभयो । उत्तरपुस्तिका परीक्षण अन्तिम चरणमा पुगेको, जिल्ला-जिल्लाबाट परीक्षण सकिएका उत्तरपुस्तिका आउने क्रम जारी रहेको र परीक्षण सकेर आएका उत्तरपुस्तिकाको नम्बर कम्युटरमा चढाउने कार्य भइरहेको कार्यालयले जनाएको छ ।यसवर्षो परीक्षामा मुलुकभरबाट चार लाख ९६ हजार २४३ जना परीक्षार्थी सहभागी भएका थिए । यसमा नियमिततर्फछात्र दुइ लाख २९ हजार ७९१ र छात्रा दुइ लाख ६ हजार ६२० छन् भने एक्जाम्टेडतर्फछात्र २५ हजार ८०५ र छात्रा ३४ हजार २७ जना छन् । परीक्षामा ८९ वटा खुला विद्यालयका आठ हजार १४० जना परीक्षार्थी सामेल छन् । खुला विद्यालयमा नियमिततर्फसात हजार ७९४ र एक्जाम्टेडतर्फ३४६ जना परीक्षार्थीमध्ये शिविरका लडाकू र विदेशी नागरिक पनि सहभागी छन् । कार्यालयका अनुसार जर्मनी, सोमालिया र दक्षिण कोरियाका तीनजना विदेशी विद्यार्थी परीक्षामा सहभागी छन् थिए । उनीहरूका लागि अनिवार्य नेपालीको सट्टा इलेक्टिभ अङ्ग्रेजीको परीक्षा दिने व्यवस्था गरिएको थियो । परीक्षामा सबैभन्दा कम मनाङमा १२२ जना र बढी काठमाडौँमा ३२ हजार ८६० विद्यार्थी परीक्षामा सहभागी छन् । परीक्षाका लागि मुलुकभर कुल एक हजार ६७२ वटा परीक्षा केन्द्र निर्धारण गरिएको थियो ।गत वर्षएसएलसी परीक्षामा तीन लाख ८५ हजार ११४ जना परीक्षार्थी सहभागी थिए  रासस