१३ जेठ, काठमाडौँ । संविधानसभाको म्याद थप्न नहुने तथा जातीय आधारमा संघीय राज्य निर्माण नगर्न, तथा हिन्दुराज्य घोषणाको माग गर्दै चुरेभारव राष्ट्रिय एकता पार्टी, विश्वहिन्दु महासंघ लगायतका समूहहरुले आहृवान गरेको उपत्यका बन्दका कारण उपत्यकाका तीनवटै जिल्लाका जनजीवन प्रभावित भएको छ ।
बन्दका कारण राजधानीका सडकमा बिहानैदेखि निजी तथा सार्वजनिक सवारीका साधन निकै कम मात्रामा चलेका छन् भने बजार-पसल, शिक्षणसंस्था र कलकारखाना ठप्प छन् ।
पैदल हिँडेर गन्तब्यमा जानु पर्ने बाध्यताका कारण सर्वसाधारण, कर्मचारी र व्यवसायीहरु मर्कामा परेका छन् ।
बन्दका कारण राजधानीबाट बारिहने तथा भित्रिने कुनैपनि सवारी साधन चलेका छैनन् । बाहिरबाट राजधानी भित्रन लागेका सयौं सवारी साधन नागढुंगा नाका र धादिङ्को नौबिसेमा अलपत्र परेका छन् ।
बन्दकर्ताहरु भने सडकमा देखिएका छैनन् । बन्दकर्ताले बिहानै कान्तिपुर दैनिकको बा५च ९३७५ नम्बरको गाडीमा बनस्थलीका आगजनी गरेका छन् ।
त्यस्तै उनीहरुले बन्द अवज्ञा गरेको आरोपमा सुकेधारा, डिल्लीबजार, मनोहरा पुलमा सार्वजनिक सवारी साधानमा आगजनी र तोडफोड गरेका छन् ।अत्यावश्यक सेवाका एम्बुलेन्स, प्रेस, कुटनीतिक नियोग, दुध तथा खानेपानी ढुवानीका गाडी भने निर्वाध रुपमा चलेका छन् ।
प्रहरीले तोडफोड र आजगजनीमा संलग्न एक दर्जन बन्दकर्तालाई राजधानीका विभिन्न स्थानबाट नियन्त्रणमा लिएको जनाएको छ ।
यसैबीच उपात्यकाका तीनवटै जिल्लाको सुरक्षा व्यवस्था कडा पारिएको छ । काठमाडौं, ललितपुर र भक्तपुर जिल्लाका चोकचोकमा बाक्लो संख्यामा जनपद तथा शसस्त्र प्रहरी खटाइएको छ ।
@onlinekhabar
0 commentaires