८ जेठ, काठमाडौँ । क्षेत्रीहरुलाई आदिवासी जनजातिमा सूचीकृत गर्न तथा जातीय आधारमा संघीय राज्य निर्माण नगर्न माग गर्दै खस क्षेत्री राष्ट्रिय समाजले आहृवान गरेको उपत्यका बन्दका कारण उपत्यकाका तीनवटै जिल्लाका जनजीवन पूर्णपमा प्रभावित भएको छ ।
बन्दका कारण सवारी साधन चलेका छैनन् भने बजार-पसल, शिक्षणसंस्था र कलकारखाना ठप्प भएका छन् । पैदल हिँडेर गन्तब्यमा जानु पर्ने बाध्यताका कारण उच्च माध्यामिक शिक्षा परिषद् अन्तर्गत कक्षा ११ का परीक्षार्थी, सर्वसाधारण, कर्मचारी र व्यवसायीहरु मर्कामा परेका छन् ।
बन्दकर्ताहरु बिहानैदेखि सडकका चोकचोकमा जम्माभएर नारावाजी तथा पैदर्शन गरिरहेका छन् ।
प्रहरीले थानकोट, कलंकी र सातदोबाटोबाट पचास भन्दा बढी बन्दकर्तालाई नियन्त्रणमा लिएको छ । बन्दकर्ताहरुले ललितपुरको बालकुमारीस्थित एक अस्पतालको गाडी तोडफोड गरेका छन् । काठमाडौं, ललितपुर र भक्तपुर जिल्लाका चोकचोकमा उल्लेख्य संख्यामा सुरक्षाकर्मी खटाइएको छ ।
फाट्टफुट्ट चलेका ट्याक्सीहरुले मनपरी भाडा असुल्ने गरे पनि सम्बन्धित निकायले नियन्त्रणमा चासो नदिएको सर्बसाधारणको गुनासो छ ।
संघीयतामा जाँदा जातीयताको आधारमा प्रदेश विभाजन गर्न नहुने, बाहुन-क्षेत्रीहरुलाई पनि आदिवासीको सूचीमा सूचीकृत गर्नुपर्ने, जेठ १४ भित्रै कम्तीमा नयाँ संविधानको एकीकृत मस्यौदा जारी गर्नुपर्नेलगायतका माग राख्दै खस क्षेत्री समाजले चरणवद्ध आन्दोलन गर्दै आएको छ ।
via onlinekhabar
0 commentaires