खानेपानी समस्याले पिरोलिएका पिपलडालीबस्ती सराङ्गकोट ( ९ मा खानेपनीको समस्या समाधान भएपछि स्थानियबासी हर्षित भएकाछन । बिभिन्न जिल्लाबाट सो स्थानमा बसोबास गर्दै आएका करिब १८० घरधुरी रहेको भुमिहिन, सिमान्तकृत बर्गलाई बिभिन्न निकायबाट आर्थिक तथा भौतिक सहयोग प्राप्त भएपछि खानेपानीको समस्या समाधान भएको हो । करिब ७ किमी टाढा मुहान रहेको ठोटनेखोलाबाट ल्याइएको खानेपानी योजनाका लागी बेलायती नागरिक मिसाल स्पेन्जबाट रु ३ लाख ५० हजार,सराङ्गकोट गाबिसबाट रु २ लाख ५० हजार , नगर बिकासका निर्बतमान सदस्य ललित गुरुङ्गको सहयोगमा भौतिक मन्त्रालयबाट रु १ लाख पचास हजार, त्यसैगरि गोनेसा लगायतका संस्थाले ४० हजार लिटर बराबरको पानी टयाङ्गकी गरि जम्मा ६ लाख ३४ हजार खर्च भएको, खानेपानीको पाईप खरिद गर्दा स्थानियबासीबाट रु चार लाख संकलन गर्नुका साथै श्रमदान समेत गरिएको र १ लाख ३० हजार सिमेन्ट र छडको हार्डवयर पसलमा र्तिन बांकी रहेको पिपलडाली समाजका सचिब आश बहादुर गुरुङ्गले जानकारी दिएका छन । सो खानेपानी योजनाको बुधबार एक समारोहका बिच बेलायती नागरिक मिसाल स्पेन्जबाट उदघाटन गरिएको थियो । कार्यक्रममा वहांले नेपालका बिभिन्न स्थानहरुमा सहयोग गर्नेक्रममा सो स्थानमा समेत सहयोग गर्न पाउंदा आफुलाई खुशी लागेको बताउनुभयो । त्यसैगरि नेपाली कांग्रेस कास्कीका जिल्ला सदस्य गिरिराज गौतमले समयमै संबिधान बनाएर मुलुकभरका खानेपानी,शिक्षा स्वास्थ्य, सडक निर्माण लगायत सामाजिक,आर्थिक क्रान्ति तर्फ आफनो पार्टी अग्रसर रहेको बताउनुभयो । नेपाल पत्रकार महासंघ कास्कीका उपसभापति राजबहादुर गुरुङ्गले बिदेशी नागरिकभइकन पनि खानेपानी योजना सम्पन्न गर्न बेलायती नागरिक मिसाल स्पेन्जले महत्वपुर्ण भसमिका खेलेकोमा प्रशंसा गर्नुभयो । कार्यक्रममा जग्गादाता प्रेम तुलाचन, नेपाली कांग्रेसका इकाइ सभापति शम्शेर बहादुर थापा, माओबादीका भरतमणी पराजुली, गाबिस सचिब बिष्णु पौडेल , पुर्ब एसपी श्रीबहादुर घले, समाजसेबी रामबहादुर थापा लगायतले खानेपानकिो समस्या समाभानका लागी स्थानियबासीकै सकृयताका कारण देशी बिदेशी सहयोग प्राप्तभई योजना सम्पन्न गर्न सफल भएकोमा प्रशंसा गरेका थिए । पिपलडाली समाजका अध्यक्ष होमबीर पुनको अध्यक्षतामा सम्पन्न कार्यक्रममा बिबिध सांस्कृतिक कार्यक्रमका साथै सो योजना सम्पन्न गर्न सहयोग गर्ने बिभिन्न दाताहरु लाई सम्मान गरिएको थियो ।
समाचार
»
पिपलडालीटोलमा खानेपानी योजना सम्पन्न पोखरा
पिपलडालीटोलमा खानेपानी योजना सम्पन्न पोखरा
Tags:
समाचार
0 commentaires