मलमूत्र खुवाउने तीन पक्राउ

काठमाडौं, ४ बैशाख, सिन्धुली सिन्धुलीको रानीचुरी गाविस-४ किर्नेखोलाका एकै घरका देउरानी जेठानीलाई बोक्सीको आरोपमा मलमुत्र खुवाउने तीन जनालाई प्रहरीले शनिबार पक्राउ गरेको छ । पक्राउ पर्नेमा स्थानिय हस्त बहादुर थिङ्ग चनक बहादुर थिङ्ग र दिल बहादुर थिङ्ग रहेका छन् । उनीहरुलाई गाऊ बाटै पक्राउ गरी अनुसन्धान शुरु गरिएको जिल्ला प्रहरी कार्यलय सिन्धुलीले जनाएको छ । ३५ बर्षिया जेठानी सोममाया घिसिङ र देउरानी २७ बर्षिया मधुमाया घिसिङलाई गत चैत ३० गते उनीहरुले मलमुत्र खुवाएको भन्दै पीडितले शुक्रबार जिल्ला प्रशासन कार्यालय सिन्धुलीमा कार्वाहीका लागि उजुरी दर्ता गराएका थिए । सोही गाविसकी सेतीमाया स्याङ्तानकी १० वर्षकी नातिनिको बिरामी भएर कपाल झर्न थालेपछि धामी बोलाएर आसन राख्दा ती देउरानी जेठानीको नाम बकेकाले धामीकै आदेशमा चैत्र ३० गते राती सिस्नो लगाएर मलमुत्र खुवाएको पीडितले बताएका छन् । घटना बिबरण अनुसार स्थानीय हस्तबहादुर स्याङ्तान र डिलबहादुर थिङले बैठक छ भनेर बोलाइ धामी चनकबहादुर थिङको आदेशमा घरको कोठामा थुनेर उनीहरुलाई मलमुत्र खुवाएका थिए ।