काठमाडौ, पुस १ - भारतमा गरिएको एक अध्ययनले लामो दूरीका सवारीचालक, प्रदूषित सहरमा बस्ने पुरुषमा शुक्रकीटको संख्या तीव्र गतिले कम भइरहेको जनाएको छ । यसैगरी रात्रिकालीन समयमा काम गर्ने महिलामा अनियमित रजस्वला हुनु सामान्य भइसकेको छ । यसको असर महिलाको प्रजनन क्षमतामा समेत परिरहेको इन्डियन काउन्सिल फर मेडिकल रिसर्च -आईसीएमआर) को थुप्रै केन्द्रमा गरिएको अध्ययनपछि पत्ता लागेको हो ।
भारतका १२ राज्यमा जारी ह्युमन रिप्रोडक्सन रिसर्च सेन्टरका माध्यमले काउन्सिलले यस्ता समस्याको चुरो कुरो पत्ता लगाउँदा जीवनशैलीसँग जोडिएको तनाव र वातावरणमा बढ्दो प्रदुषण कारकका रूपमा देखा परे । निद्रा पूरा नहुनु, कामको तनाव, औद्योगिक फोहोर, खानपानमा रासायनिक तत्त्वको उपयोग र कस्मेटिकमा हुने जैविक मिसावटलगायतले यस्ता समस्या उब्जाएका हुन् । महिलामा तनाव र अल्कोहलको उपयोग प्रजनन क्षमतामा ह्रासको सबैभन्दा आम कारण हो । केही सेन्टरको अध्ययनमा केसम्म भनिएको छ भने धेरै समयसम्म बक्सिङ जस्तो व्यायाम गर्नाले र तातो पानीमा नुहाउनाले समेत वीर्यमा शुक्रकीटको संख्यामा असर पार्छ ।
यसअघि सन् १९९२ देखि १९९७ सम्म गरिएको अध्ययनले समेत पुरुषको शुक्रकीटको संख्यामा निरन्तर कमी रेकर्ड गरिएको थियो । निर्माणकार्यको अधिकता, व्यावसायिक गाडीको संख्यामा वृद्घ िर डिजेलवाला जेनेरेटरका कारण वातावरणमा 'सस्पेन्डेड पार्टिकुलेट म्याटर्स' -झुन्डिएर बस्ने कण) तीव्र गतिले बढेका थिए ।
source:-kantipur
Kantipur Fm 
0 commentaires