गजल

अपमान भो शहिदको भन्दै देशको माटो रुन्छ।
भुल्दै गएको हौकि भन्दै शहिद हिड्या बाटो रुन्छ।।१।।

भुई भरिछ शहिदको आलो रगत पोतिएको
शिर् उठाउने जनताको त्यै रगतको टाटो रुन्छ।।२।।

काम देखेर तिम्रो हाम्रो छर् छिमेकले के भन्दो हो
सम्झिल्याउँदा यो मनको साँच्चै एउटा पाटो रुन्छ।।३।।

यो देशलाई अग्रगति दिने अझ लक्ष्यण छैन
यो देखेर मन भित्रको एउटै मात्र खाटो रुन्छ।।४।।

ले. परशुराम तिमसिना

मेचीनगर–४, मागुरमाडी (झापा)