ठमेल क्षेत्र २४ घण्टै खोल्न माग

८ साउन, काठमाडौँ । व्यवसायीले पर्यटकीय क्षेत्र ठमेललाई २४ घण्टा खला राख्ने व्यवस्था मिलाउन सरकारसाग माग गरेका छन् ।  सरकारले नेपाल पर्यटन वर्ष २०११ मनाइरहेको क्रममा ठमेलमा पर्यटकीय गतिविधि बढाउनका लागि यस्तो व्यवस्था गर्न आवस्यक रहेको उनीहरूको भनाइ छ । ठमेल क्षेत्र रातको १० बजेपछि नै सुनसान हुने र रेष्टुरेण्ट तथा होटलहरू १२ बजेअघि नै बन्द हुनाले पर्यटकीय गतिविधि घटेको व्यवसायीको तर्क छ । ट्रेकिङ एशोसियसन अफ नेपाल नाटका पूर्वमहासचिव नवराज दाहालले पर्यटकहरू पूर्णरूपमा मनोरञ्जन लिनका लागि ठमेल आउने भएकाले आवश्यक पूर्वाधारको विकास गरी त्यस क्षेत्रलाई २४ सै घण्टा खुला राख्नुपर्ने बताउनुभयो । तर, त्यसका लागि उनिहरुलाई जुनकुनै बेला निर्वाध रुपमा गतिविधि गर्न सुरक्षाको भरपर्दो वातावरण तयार गरिनुपर्ने दाहालको भनाइ छ । अनलाइनखवरसाग कुरा गर्दै दाहालले विकृतिको केन्द्रका रुपमा फस्टाउादै गएको ठमेल क्षेत्रका मसाज केन्द्र र रात्रि नाचघरहरु बन्द गरेर ठमेललाई सुरक्षित पर्यटकीय नगरी बनाउन सकिए मुलुकको पर्यटन विकासमा टेवा पुग्ने बताउनुभयो ।  ठमेल पर्यटन विकास परिषद्का अध्यक्ष तेजेन्द्रनाथ श्रेष्ठले ठमेललाई २४ सै घण्टा खुला राख्न आफूहरुले आवश्यक पहल गरिरहेको जानकारी दिनुभयो । व्यवसायीहरुले आउादो शुक्रबार एक रातका लागि ठमेल खुला गर्ने र त्यसको परिणाम सकारात्मक आए क्रमश बढाउादै लगिने बताएका छन् ।

source:-onlinekhabar