अजय देवगनको फिल्म हेर्न छाडेर एसपी रमेश खरेलको कार्यक्रम पुगे सर्वसाधारण

पर्सा साउन १० पर्सामा सरुवा भएर आएको एक महिनामै प्रहरी उपरिक्षक रमेश खरेल यस क्षेत्रमा लोकप्रिय भएका छन् । उनको उपस्थितिले जिल्लामा संचालन हुने कार्यक्रमहरुको रौनक बढ्न थालेको छ। उनलाई हेर्न कै लागि मात्र पनि सर्वसाधरण उनी जाने कार्यक्रमा आउन थालेका छन्। अजय देवगन अभिनित फिल्म ‘सिंघम’ हेर्न आएका दर्शक सिनेमाहल छाडेर सोमबार वीरगन्ज छपकैयास्थित सामुदायिक सेवा केन्द्रतिर सोझिए। त्यहाँ एसपी खरेल रक्तदान कार्यक्रममा सहभागी हुँदै थिए। ‘नयाँ एसपीलाई हेर्ने रहर थियो’, १५ वर्षीय परवेज आलमले भने-’सिनेमा हेर्न छाडेर यो कार्यक्रममा आएँ।’ कक्षा ९ मा अध्यनरत आलमले उनी आएपछि वीरगञ्जको सुरक्षामा सुधार आएको सुनाए। खरेललालाई हेर्न आएकी वीरगन्ज-२ छपकैयाकी ५५ बर्षिया मुसलिमा खातुनले उसको बारेमा निक्कै चर्चा सुनेको बताइन्। ‘उ आएपछि बजार जान ढुक्क भएको छु’, उनले भनिन्-’त्यही भएर आइपुगेँ।’ मञ्चमा बसेका खरेललाई हेर्न छपकैयाका अन्य महिला तथा बालबालिका पनि आएका थिए। ‘हाम्रो स्कुलमा पनि उनको बारेमा कुरा चल्छ’, कक्षा ८ मा अध्यनरत लाडली खातुनले भनिन्- ‘हेर्न रहर लाग्यो।’