काठमाडौ, अषाढ २५ - जसका सन्तान धेरै ढिलो गरी बोल्छन्, उनीहरूलाई खुसीको खबर । नयाँ अध्ययनमा दाबी गरिएअनुसार, ढिलो बोल्न थाल्ने बच्चाको करिअर भविष्यमा राम्रो हुन्छ । अस्टे्रलियाको टेलेथन इन्स्िटच्युट फर चाइल्ड हेल्थ रिसर्चका अनुसन्धानकर्ताहरूका अनुसार ढिलो बोल्न सुरु गर्ने बालबालिका बढी बोल्ने बालबालिको तुलनामा बढी व्यावहारिक हुन्छन् र भावनात्मक समस्याबाट टाढै रहन्छन् । अनुसन्धानकर्ता प्रा. एन्ड्रयु ह्वाइट हाउस भन्छन्, ' ढिलोबाट बोल्न थाल्ने बच्चालाई दुइृ वर्षको उमेरमा व्यावहारिक र भावनात्मक समस्याबाट बचाउ हुन्छ, जब कि अन्य बच्चामा यो आयुमा यस्तो समस्या सबैभन्दा बढी पाउने गरिन्छ ।' अनुसन्धानकर्ताका अनुसार बच्चाको ढिलो बोलाइले आमाबुबामा अत्यन्त तनाव उत्पन्न गर्छ । यस्ता अभिभावकले के कुरामा निश्चिन्त रहनुपर्छ भने तिनका यस्ता सन्तान मानसिक समस्याबाट टाढा रहन्छन् । ढिलो बोल्न सुरु गर्नु कुनै समस्याको संकेत होइन । केही ढिलो भए पनि अन्ततः बच्चाहरू बोल्न थाल्छन् । यसमा राम्रो कुरा के छ भने त्यतिन्जेल ती बच्चाहरूले शब्दको गम्भीरता वुभmने प्रयास गरिरहेका हुन्छन् । टेलिभिजनले मानसिक रोग टेलिभिजनमा देखाइने कतिपय भयानक र आपत्तिजनक दृश्यले बढ्दो उमेरका बालबालिकाको मस्तिष्कमा कुप्रभाव उत्पन्न गर्दै छन् । बालविशेषज्ञहरूले बच्चामा भइरहेको यो असरलाई गम्भीर बताएका छन् । ब्रेक फरेस्ट विश्वविद्यायलकी प्राध्यापक मेरिना क्रिकमरका अनुसार तीनदेखि पाँच वर्ष उमेरका बालबालिकामा टिभी हेर्ने बानीले उनीहरूको निद्रामा असर पारिरहेको छ । टिभीमा देखिने कुनै पनि विचित्र वस्तुले बच्चाहरूमा डर उत्पन्न गराउछ, चाहे त्यो क्यारेक्टर राम्रो वा हसाउने किन नहोस् । यदि बच्चा टेलिभिजनमा कुनै चरित्रलाई हेरेर डराए भने यस्तो बेला उनीहरूलाई काखमा राख्नुपर्छ ।
ekantipur
Kantipur Fm 
0 commentaires