खुकुरी प्रहारबाट २ घाइते, दुर्घटनामा एकको मृत्यु

साउन १० -  मोरङ  उर्लाबारी-१ मा सोमबार राति साढे ९ बजे एक समुहको आक्रमणमा स्थानीय २१ वर्षीय प्रकाश कटुवाल गम्भिर घाइते भएका छन् । खुकुरीले दाहिने कोखा र हातमा काटिएका कटुवालको अवस्था गम्भिर रहेको मोरङ प्रहरीले जनाएको छ । खुकुरी प्रहारमा संलग्न स्थानीय पन्चु चौधरीसहित ६ जनालाई रातिनै पक्राउ गरिएको प्रहरीले बताएको छ । यसैगरि विराटनगर-१२ स्थित शान्ति चोकमा सोमबार राति १२ बजे एक समुहले रिक्सा चालकलाई खुकुरी प्रहार गरी केही रकम लुटेर लगेको छ । विराटनगर-१ निवासी रिक्सा चालक ४५ वर्षीय राजु सहनीलाई दुइ जनाले नियन्त्रणमा लिएर खुकुरी प्रहार गरेका थिए । गम्भिर घाइते सहनीको वीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ । आक्रमणमा संलग्न समुहको खोजी भई रहेको मोरङ प्रहरीले बताएको छ ।

source:-पूर्वेली टाईम्स