'बोका चोरीको आरोप खप्न नसक्दा मगर परिवारको हत्या'

Share

उदयपुर, अषाढ २७ - बोका चोरको आरोप लगाउदाँ खप्न नसकेर स्थानीय ३५ बर्षीय ललितकुमार राईले ठानागाउँ - ५ थुम्कीका एकै परिवारका चारको हत्या गरेको रहस्य खुलेको छ ।  जिल्ला प्रहरी कार्यालयका प्रहरी नायव उपरीक्षक नरेन्द्रप्रसाद उप्रेतीले सोमबार पत्रकार सम्मेलन गरि केशरबहादुर मगर, उनकी पत्नी हर्कमाया, छोरीहरु रन्जु र प्रेमी हत्याको चोरको आरोप खप्न नसकेर ललितकुमारले गरेका वताए । करिव चार बर्षअघि केशरबहादुरको बोका चोरी गरेर ललितकुमारले लगेका थिए ।  बोका चोरी गरेपछि स्थानीयले ललितकुमारलाई १४ सय रुपैयाँ जरिवाना गराएको प्रहरी नायाव उपरिक्षक उप्रेतीले वताए । जरिवाना तिरेपछिपनि केशरबहादुरले पटक पटक चोरको आपरोप लगाएको खप्न नसकेको ललितले मादक पर्दाथ सेवन गरेर केशरबहादुरको हत्या गरेको प्रहरीलाई वयान दिएका छन् ।  प्रारम्भिक वयानमै ललितले बोका चोर र हर्कमायासँग अवैध सम्वन्ध राखेको भन्दै स्थानीयले बहिष्कार गरेको बिषयलाई केशरबहादुरले पटक पटक भनेकोले हत्या गरेको वताएका छन ।  सामाजिक रुपमा बहिष्कार भएपछि पनि केशरबहादुरले त्यहि बिषयलाई पटक पटक आरोप लगाउँदा मादक पदार्थ सेवन गरेपछि आफू आक्रोसित हुने गरेको ललितकुमारले वताए । उनले भने 'मादक पर्दाथ सेवन गरेपछि बोका चोरेको र दण्ड तिरेको बिषयमा आक्रोसीत हुन्थे।' त्यस दिन (बुधबार राती)पनि मादक पर्दाथ सेवन गरेपछि केशरबहादुलाई बदलाको भावना लिन मध्यरातमा गएर खुकुरीले काटेर हत्या गरेको उनले वताए ।  ललितले भने'मध्यरातमा मैले १० मिनेटमा चारै जानको हत्या गरे' । चारै जनालाई हत्या गर्न दिउसै खुकुरी तयार गरेर केशरकै घर छेउमा राखेर राखेको उनले वताए ।  केशरबहादुरको परिवार सुति रहेको अवस्था मध्य राति १२ बजे खुकरी प्रहार गरि चारै जनाको निर्मम हत्या गरेको अनुसन्धानमा खुलेको प्रहरी नायव उपरिक्षक उप्रेतीले वताए । ललितले पहिले केशरबहादुरको हत्या गरेपछि उनकी पत्नी हर्कमाया र छोरीहरुको हत्या गरेको स्वीकार गरेका छन ।  केशरबहादुर, हर्कमाया, रन्जु र प्रेमीको हत्यापछि केशरका छोरा नेत्रलाईपनि खुकुरी प्रहार गरि घाइते बनाएको ललितले वताए । नेत्रको विराटनग स्थित न्यूरो अस्पतालमा उपचार भईरहेको छ ।  प्रहरीले घटनास्थलबाट ललितले हत्या गर्न प्रयोग गरेको खुकुरी र रगत लागेको लुगा बरामद गरेको छ । ललितलाई मुलुकी ऐन २०२० को ज्यान सम्वन्धि महल अनुसार प्रहरी हिरासतमा राखि अनुसन्धान कार्य भईरहेको प्रहरी निरीक्षक अनिल पौडेलले वताए । हत्या गरिएका केशबहादुर ५ बर्षयता पक्षघातले थलिएका थिए ।  उनकी पत्नी हर्कमाया सुस्तमनस्थितीकी थिइन । दैनिक ज्याला मजदुरी गरेर गुजारा गर्ने केशरबहादुरको ४ छोरी र २ छोरा थिए । जेठी छोरी जिल्लाकै कटारी बजारमा मजदुरी गरेर उतै बस्दै आएकी र अर्की छोरी हत्या गरिएको समयमा गाउँ तिर गएकीले बाच्न सफल भएका थिए ।  ११ महिनको कान्छो छोरालाई हत्या गरेको समयमा नदेखेकोले हत्या नगरेको ललितले वताए । उनले भने 'देखेको भए कान्छोलाई समेत हत्या गर्ने थिए ।'   

source:-ekantipur