नेपाली कामदारको मलेसियामा मृत्यु

१५ असार, काठमाडौँ । वैदेशिक रोजगारीका क्रममा  मलेसिया पुगेका एक नेपाली युवकको रहस्यमय मृत्यु भएको छ ।  मृत्यु हुनेमा म्याग्दी मल्कवाङ गाविस–१ का स्थायी बासिन्दा २८ वर्षीय फरक छन्त्याल छन् । दुई वर्षअघि कामका लागि मलेसिया आएका उनी स्थानीय गोल्डेन इगल सेक्युरिटी नामक कम्पनीमा सुरक्षा गार्डका रुपमा कार्यरत थिए । छन्त्यालको गत २८ जुलाइमा ड्युटिमा रहेकै अवस्थामा रहस्यमय निधन भएको उनका सहकर्मीहरुले बताएका छन् ।  नेपालबाट गएलगत्तै काम सुर गरेको कम्पनी छोडी उनी गैह्रकानुनी रुपमा अन्तै काम गर्दै आएको बताइएको छ । मृतकको घरायसी अवस्था नाजुक रहेकाले उनका परिवारलाई आर्थिक सहयोग गर्न उनका सहपाठीहरुले त्यहा“स्थित नेपालीहरुका विभिन्न संघसंस्था र व्यक्तिहरुलाई आर्थिक सहयोग गर्न आग्रह गरेका छन् ।

onlinekhabar