शहरमा सुन्दरी प्रतियोगिताको फेसन चलिरहेको छ । चालिसतिर पुगेका आमाहरु पनि सुन्दरी बन्ने होडमा छन एसएलसी दिएर बसेका १६ बर्षे छोरीहरु पनि सुन्दरी प्रतियोगिताको ताज जित्ने धुनमा ।
एसएलसी दिएर बसेका किशोरीहरुको ब्यक्तित्व बिकाशमा सघाउने भन्दै एक आयोजकले एसएलसी पि्रन्सेस प्रतियोगिता गर्न लागेका छन् । यसअघि मिस इकलेज र एअरहोष्टेस प्रतियोगिता गरिसकेका आयोजकले मंगलवार एसएलसी दिएर बसेका किशोरीलाई भेला पारेर अडिसन लिए । राजधानी र मोफसलबाट एसएलसी दिएर बसेका ३६ जना किशोरी छानिएका छन् । छानिएका युवतीहरुलाई प्रर्दशनीमार्गमा रहेको महेन्द्र पुलिस क्लबमा प्रशिक्षण दिन थालिएको छ । सो क्रममा उनीहरुलाई पौडी, फोटोसेसन, क्याटवाक, फिटनेस र ब्यक्तित्व बिकाश लगायतका बिषयमा प्रशिक्षण दिइने आयोजकले जनाएको छ ।
प्रतियोगिताको ट्यालेन्ट सो असार ४ गते अन्तिम छनौट प्रतियोगिता असार ११ गते जमलस्थित नाचघरमा हुने छ । प्रतियोगिताको ताज बिजेताले ल्यापटप, मोवाइलसहित प्लस टु अध्ययनका लागि पूर्ण स्कलरसिप प्राप्त गर्ने बताइएको छ ।
Kantipur Fm 
0 commentaires