१९ चैत्र, काठमाडौं । काठमाडौंको नयाँ बसपार्कबाट विभिन्न स्थानबाट पुराना मूर्ति चोरी गर्नेहरूलाई शनिबार प्रहरीले मूर्तिसहित पक्राउ गरेको छ । पक्राउ पर्नेमा बुद्धिलामा, रामबहादुर तामाङ र मानबहादुर लामा रहेको प्रहरीले जनाएको छ ।
प्रहरीले बिहान नयाँ बसपार्कमा विभिन्न देवी देवताको मूर्तिको मोलमोलाई गरिरहेको अवस्थामा उनीहरूलाई पक्राउ गरेको हो । महानगरीय प्रहरी वृत्तका प्रमुख दीपक थापाका अनुसार उनीहरूले ती मूर्तिहरू धेरै पैसा पाउने आशामा चोरी गरेको बयान प्रहरीसमामु दिएका छन् ।
मूर्तिहरू बेच्न लागिएको भन्ने विशेष सुराकीको आधारमा उनीहरूलाई पक्राउ गर्न सफल भएको थापाले बताउनुभयो । प्रहरीका अनुसार उनीहरूमाथि थप अनुसन्धान भइरहेको छ । रासस
Kantipur Fm 
0 commentaires