सिरहा, फाल्गुन २० - उद्योगपति तथा समाजसेवी डा. उपेन्द्र महतोले विद्यालयलाई राजनीतिक निषेधित क्षेत्र घोषणा गर्नु पर्ने बताए ।
राष्ट्रिय फुलकुमारी महतो उच्च माध्यमिक विद्यालय बन्दिपुरमा आयोजित एक कार्यक्रममा डाक्टर महतोले शिक्षक र विद्यार्थीलाई यूनियन खोलेर राजनीतिक गर्न विद्यालयबाट टाढा पठाउन अभिभावकहरुलाई सुझाव दिए । उक्त विद्यालयको दातासमेत रहेका डाक्टर महतोले मुलुकमा प्रत्येक विद्यालयमा भइरहेको राजनीतीकरणले विद्यालयहरुको शैक्षिक वातावरण बिगि्रदै गएको प्रति चिन्ता ब्यक्त गरे ।
विद्यालय ब्यबस्थापन समिति गठन, शिक्षक नियूक्ति लगायतका विषयमा विद्यालयहरुमा नेताहरुले राजनीतिक विवाद खडा गर्दै आएकोले विद्यालयहरुको शैक्षिक वातावरण विग्रेको उनले बताए । राजनीतिक गर्न पनि शिक्षा नै आवश्यक रहेकोले विद्यार्थीहरुलाई लगनशिल भएर शिक्षा आर्जन गर्न सुझाव दिए ।
उक्त विद्यालयमा स्नातकोत्तर तहको पढाई सञ्चालन गर्न जस्तोसुकै सहयोग गर्ने उनले प्रतिबद्धता ब्यक्त गरे । उनले विद्यालयको खातामा स्थानीयबासीले जुनसुकै कार्यका लागि जति रकम जम्मा गर्छ त्यति नै रकम आफूल पनि जम्मा गर्ने उनले प्रतिबद्धता ब्यक्त गरे ।
नेपाललाई धनी र समृद्ध बनाउन चाडै यसै क्षेत्रबाट देश विकास अभियान सञ्चालन गर्ने र यसमा सबैलाई सहयोग गर्न उनले आग्रह गरे ।
जति अरुलाई दिनमा मजा आउाछ त्यति नै अरुबाट लिनमा लाज पनि लाग्ने गरेकोले सबैलाई ब्यक्तिगत रुपमा भएपनि धनी बन्न कडा मिहिनेत गर्न उनले स्थानीयबासीलाई आग्रह गरे । यस क्षेत्रमा हर्बल, फलफूल, अन्न, दाललगायतका उत्पादन बढाउन स्थानीय किसानहरुलाई आग्रह गर्दै उनले उक्त उत्पादित बस्तुहरुलाई महगो बजार खोज्दिने प्रतिबद्धता ब्यक्त गरे ।
सभासद तथा डाक्टर महतोकी बहिनी जुली महतोले उक्त विद्यालयमा राजनीतिकरण नगरे निकट भविष्यमा नै विश्वविद्यालय बनाउन आफूहरुले पहल गर्ने बताए ।
उक्त विद्यालयमा आधुनीक भौतिक संरचना निर्माण गरि डाक्टर महतोले आपmनी आमा फूलकुमारी महतोको नाममा विद्यालयको नामाकरण गराएकोले तत्काल स्नातक तहको पढाई सञ्चालन गराई दिन विद्यार्थीहरुले डाक्टर महतो परिवारलाई आग्रह गरे ।
source:-ekantipur
Kantipur Fm 
0 commentaires