सोलुखम्बु , फाल्गुन २० - झूटो विवरण पेश गरेर दुईवटा नागरिकता बनाउन खोज्ने तिङला गाविस–२ का आमा कमिनी शेर्पा र छोरी जाङमु शेर्पालाई प्रहरीले पक्राउ गरेको छ ।
तीस वर्षपुगेकी छोरी जाङमु शेर्पाको नाम परिवर्तन गरी माया शेर्पा बनाएर गाविस सचिवबाट सिफारिस ल्याइ अर्को नागरिकता बनाउन खोजेपछि प्रहरीले अनुसन्धानका लागि आमा छोरीलाई पक्राउ गरी हिरासतमा राखेको हो ।
छोरी काठमाडौंमा बस्दै आएको दाबी गर्दै तीस वर्षीय छोरीको नागरिकता नबनाएको दाबी गर्दै झूटो नागरिकता बनाउन खोज्ने साठी वर्षीया कमिनी शेर्पाले गाविस सचिवलाई झूट बोलेर विवाहीत छोरीलाई विवाह नै नभएको भन्दै सिफारिस बनाएकी थिईन् । सिफारिस लिएर शेर्पा आमा छोरी प्रमुख जिल्ला अधिकारी यादव सुवेदीको कार्यकक्षमा पुगेका थिए ।
प्रमुख जिल्ला अधिकारी सुवेदीले सोधपुछ गर्दा शंका लागेपछि अनुसन्धानका लागि तत्काल जिल्ला प्रहरी कार्यालय पठाएका थिए । प्रहरीको अनुसन्धानपछि छोरी जाङमु शेर्पाको नाम परिर्वतन गरी माया शेर्पाको नामबाट दोश्रो नागरिकता लिने प्रयास खुलेपछि दुबैलाई हिरासतमा लिएको प्रहरी नायब उपरीक्षक सुदम सिजापतिले बताए ।
तिङला-९ मा आफ्ना श्रीमान्को स्थायी घर रहेकी जाङबुले जिल्ला प्रशासन कार्यालय सोलुखुम्बुबाट २०४२ सालमा नेपाली नागरिकताको प्रमाणपत्र लिएको जिल्ला प्रशासन कार्यालय सोलुखुम्बुले जनाएको छ । 'हामीहरुले अभियुक्तहरुलाई आवश्यक अनुसन्धान गरि प्रकृया सकेर सरकारी वकिल मार्फत जिल्ला अदालतमा मुद्दा दायर गरेका छौ' प्रहरी नायव उपरीक्षक सिजापतिले भने, 'अभियुक्तहरुलाई झुट्टो विवरण पेश गरि नागरिकता बनाउने प्रकरणमा मुद्दा चलाईएको छ ।'
source:-ekantipur









0 commentaires