बिदेशी चलचित्रमा नेपाली नायक

नेपाली नायक रेश मरहठ्ठाले अमेरिकन कम्पनीसँग मिलेर दुर्इ भाषामा चलचित्र बनाउने भएका छन्। उक्त चलचित्र अंग्रेजी तथा नेपाली भाषामा एकसाथ बन्ने भएको छ। यस चलचित्रको निर्माणका लागि सयुक्त निर्माण कम्पनीको खोजी गर्दै उनले केही समय अगाडी अमेरिकाको लेजेन्ट फिल्मसलार्इ उक्त चलचित्रको कथा पठाएपछी उक्त कम्पनीले सो कथामा आधारित चलचित्र बनाउन तयार भएको जानकारी प्राप्त भएको छ।
'रूट' नाकरण गरिएको उक्त चलचित्रमा नेपाली तथा अंग्रेजी प्राबिधिकहरूको मिश्रन रहने छ। यस चलचित्रका लागि कलाकारहरूको खोजी फेसबुकको माध्यमबाट पनि गरिएको थियो। प्रविण अधिकारीको पटकथा र संवाद भएको यस चलचित्रमा बिभिन्न राष्ट्रका कलाकारहरूले एक साथ काम गर्ने भएको छ। यस चलचित्रको नेपाली भाषाको संस्करणमा गित तथा व्दन्द रहने छ।
यही मे महिनाबाट छायाँकन शुरू गर्ने योजना रहेको यस चलचित्रको कलाकारहरू छान्ने काम सकिन लागेको छ। यस चलचित्रको छाँयाकन नेपालको बिभिन्न पर्यटकिय क्षेत्रमा नेपाली कला तथा संस्कृतिलार्इ समेटिएर गरिने भएको छ।

source:-dainikee