मनिका झा/
जनकपुरधाम, १० फागुन
जनकपुर नगरका विभिन्न स्थ्ाानमा प्रहरीले सवारी चेकजाँचको बहाना गरी अवैध रूपमा रकम असुली गरिरहेको खुलासा भएको छ । जनकपुरको जनकचोक, शिवचोक, भानुचोकसहितका विभिन्न स्थानमा प्रहरीले चेकजाँचका क्रममा भारतीय तथा नेपाली नम्बर प्लेटका सवारीचालकलाई विनाकारण घन्टौं रोक्ने गरेको र केही रकम दिएपछि छाड्ने गरेको गुनासो भारतको बिहार प्रान्तका मधुवनी जिल्लानिवासी काशीकान्त झाले गरेका छन् ।
आफू जनकपुर-७ स्थित छोरीको घरमा आएको र आफूहरू सवार मोटरसाइकलको नम्बर प्लेट भारतीय रहेको कारणले मात्रै आफूसँग प्रहरीले तीन सय रुपैयाँ असुलउपर गरेको गुनासो उनले गरे । सवारीको सम्पर्ूण्ा कागजपत्र उपलब्ध हुँदाहुँदै पनि प्रहरीले विभिन्न बहाना बनाई रकम मागेको आरोप उनले लगाए ।
अहिले विवाहको लगनको समय भएको र सीमावर्ती भारततिर बिहेबारी भएकाहरू नेपाल आउनेजाने क्रम बढिरहँदा सुरक्षाकर्मीको अवैध रकम असुली गर्ने कार्यमा पनि तीव्रता आएको छ । छोरीको विवाह धनुषा जिल्लाको परवाहा गाउँका युवकसँग तय गरेका भारत मधुवनी जिल्लाका रामसेवक महतोलाई कम्तीमा दिनको एक पटक विभिन्न कामका लागि जनकपुर आउनर्ुपर्छ ।
यस्तो अवस्थामा आफू भारतीय नम्बर प्लेटको सवारी चढेर आउँदा आफूसँग पनि प्रहरीले सात सय रुपैयाँ जति रकम असुली गरिसकेको जानकारी उनले गराएका छन् ।
अर्कोतिर सुरक्षाको दृष्टिकोणले जनकपुरको विभिन्न चोकमा लगाइएको सीसीटिभी क्यामरा लगाइए पनि त्यसलाई छल्दै प्रहरीले घुससमेत माग्ने गरेको देखिएको छ । प्रहरीले यसप्रकार अवैध रूपमा रकम असुली गर्न थालेपछि र्सवसाधारणमा त्रास उत्पन्न हुनुको साथै आक्रोशसमेत बढ्दै गएको छ ।
भारतीय पर्यटकको केन्द्रको रूपमा रहेको जनकपुरधाममा प्रहरीले यस प्रकारको कार्य गर्न थालेपछि भारतबाट आउने पर्यटकहरूको जनकपुरप्रतिको सोचमा नकारात्मक प्रभाव पर्ने सम्भावनासमेत देखिएको छ । प्रहरीले सवारी चेकजाँच गर्नुपर्ने तर त्यसको मापदण्ड तय गरि व्यवस्थापन गरिनुपर्ने आवश्यकता रहेको बुद्धिजीवीहरूको धारणा रहेको छ ।
यस विषयमा धनुषाका प्रहरी निरीक्षक हरि खतिवडासँग कुरा गर्दा उनले आफूलाई यसबारे कुनै जानकारी नरहेको र चेकजाँचको नाममा कुनै सुरक्षाकर्मीले अवैध असुली गरेमा सप्रमाण जानकारी गराउन आग्रह गरे ।
@ Rajdhani
Kantipur Fm 
0 commentaires