बारा, फाल्गुन १० - सशस्त्र हतियारधारी अज्ञात समूहले मंगलबार साँझ पौने सात बजे बारामा एक सरकारी कर्मचारीको गोलीहानी हत्या गरेको छ ।दुई जना युवाले कलैया १० बरेवा निवासी ५५ वर्षीय माधव थापाको गोली हानी हत्या गरेको जिल्ला प्रहरी कार्यालय बाराले जनाएको छ । मृतक मालपोत कर्यालय कलैयामा नायब सुब्बा थिए ।
छातिमा एक राउण्ड गोली लागेका थापालाई उपचारको लागी नारायणी उपक्षेत्रीय अस्पताल बीरगंजमा लैजाने क्रममा उनको बाटोमै मृत्यु भएको प्रहरीले जनाएको छ ।
घरमा टेलिभिजन हेरिरहेको अवस्थामा उक्त समूहले उनी उपर गोली प्रहार गरेको स्थानीय बासिन्दाले बताएका छन ।
अत्याधिक रक्तश्रावको कारण उनको बाटोमै मृत्यु भएको नारायणी उपक्षेत्रीय अस्पताल बीरगंजका चिकित्सकले बताएका छन । उनको मृत्यु पछि उनको परिवारमा रुवावासी चलेको छ । उनको शव नारायणी उपक्षेत्रिय अस्पतालमा राखिएको छ ।
घटनाको जिम्मेवारी अखिल तराई मुक्ति मोर्चाका केन्दि्रय सदस्य तथा बारा जिल्ला ईन्चार्ज सुल्तान मिर्जाले स्थानीय संचाकर्मीलाई फोन गरी लिएका छन । घटना पछि बरेवा शोकमग्न र त्रासमय बनेको छ ।
source:-ekantipur
Kantipur Fm 
0 commentaires