अन्नपूर्ण चढ्ने तयारीमा चार युवती

पोखरा, फाल्गुन ३ - चार युवती अन्नपूर्ण चढ्ने तयारीमा जुटेका छन् । सोलुखुम्बुका नीरमा राई र शान्तिकला राई, कास्कीकी सरस्वती विक र मनाङकी मनु गुरुङ ७ हजार ५ सय २५ मिटर अग्लो अन्नपूर्ण चढ्ने तयारीमा छन् । चारैजनाले नेपालमा ट्रेकिङ गाइड, रक र आइस क्लाइम्बिङको आधारभूत र युरोपको पोल्यान्ड तथा इटाली पुगेर आरोहणका लागि अत्याधुनिक प्राविधिक प्रशिक्षणमार्फत सीप हासिल गरिसकेका छन् ।

महिला पथप्रदर्शक र चट्टान

आरोहण तालिम दिँदै आएको यहाँस्थित महिला सशक्तीकरण टे्रकिङ एजेन्सिज् एसोसिएसन अफ नेपाल -टान), पर्वतारोहण संघ अन्नपूर्ण च्याप्टरको संयुक्त पहलमा आरोहणको चाँजो मिलाइएको हो ।

 चारैजनाले चुलु वेस्ट (६ हजार ४ सय मिटर) र टेन्ट पिक (५ हजार ९ सय मिटर) अग्ला हिमाल चढिसकेका छन् । आरोहणको सबै खर्च आयोजकले जुटाउने छन् । आरोहणमा करिब ५६ लाख रुपैयाँ लाग्ने र राष्ट्रिय तथा अन्तर्राष्ट्रिय क्षेत्रबाट सहयोग जुटाइने आइतबार आयोजित पत्रकार सम्मेलनमा जनाइयो । पर्यटन मन्त्रालयले प्रतिआरोही ८ सय अमेरिकी डलरको दरले तीन हजार दुई सय डलर आरोहण शुल्क छुट, फ्रेन्ड अफ नेपाल अमेरिकाले आरोहण उपकरण, स्विस संस्था कोटिएर डोन्जे फाउन्डेसन र पोल्यान्डको म्याजिक मान्टेन फाउन्डेसनलगायतले आर्थिक सहयोग गर्ने भएका छन् ।

'सरकारले आरोहण शुल्क मिनाहा तयारी गरिरहेको छ', मूल आयोजक समितिका संयोजक तथा राष्ट्रिय योजना आयोगका सदस्य डा.गणेशबहादुर गुरुङले भने, 'सरकारले गर्ने यो ठूलो सहयोग हो ।' निःशुल्क हिमाल चढ्ने अवसरले २५ देखि ३० वर्ष उमेरका युवती निकै खुसी छन् । 'अवसरले आत्मविश्वास बढेको छ', बिकले भनिन्, 'अन्नपूर्णपछि सगरमाथाको चुचुरो चुम्ने लक्ष्य लिएका छौं ।' उनीहरूले पर्वतारोहण गाइड बन्ने बताए । पर्वतारोहण कुनै पेसा मात्र नभई साहसिक गतिविधिमार्फत विश्व कीर्तिमान राख्ने एउटा माध्यम पनि भएको र देशका लागि केही गर्न सक्छौं भन्ने आत्मविश्वास बढेको चारैजनाले बताए । आरोहणका लागि आगामी वैशाख पहिलो साता उनीहरू गन्तव्यतर्फ प्रस्थान गर्ने र टेन्डी शेर्पा आरोहण दलका मुख्य गाइड छन् । सन् १९५० मा प|mेन्च नागरिक माउरिस हर्जोग नेतृत्वको टोलीले विश्वका आठ हजार मिटर अग्लामध्ये अन्नपूर्ण प्रथमको पहिलोपटक सफल आरोहण गरेको थियो । यसैगरी ८ हजार ९१ मिटर अग्लो उक्त हिमाल अमेरिकी महिला आर्लेन ब्लमको नेतृत्वमा १३ महिलाले सन् १९७८ अक्टोबर १५ मा पहिलोपटक चढेका थिए ।