सप्तरी, १० फागुन सप्तरी सदरमुकाम राजविराजबाट सोमबार दिउँसै एक नाबालक अपहरणमा परेका छन् । राजविराज नगरपालिका-५ निवासी रामकुमार साहका ६ वर्षीय छोरा आयुषकुमार साह अपहरणमा परेका हुन् ।
राजविराजस्थित गौतम शिशु सदन बोर्डिङ स्कुलको नर्सरी कक्षामा अध्ययनरत बालक साह सोमबार विद्यालयबाट घर फर्किने क्रममा राजविराज नगरपालिकाअगाडिबाट अपहरणमा परेका हुन् । सोही विद्यालयमा कक्षा ४ मा अध्ययनरत दिदी विनिता साह र कक्षा २ मा अध्ययनरत दिदी अनिता साहसँगै घर जाँदै गरेका वेला आयुष अपहरणमा परेका हुन् ।
'तिम्रो आमालाई म चिन्छु, हिँड मसँग' भन्दै ती व्यक्तिले आयुषलाई जबर्जस्ती मोटरसाइकलमा राखेर भागेको आयुषकी दिदी विनिताले बताइन् । उनले भनिन्, 'मैले केही भन्नै पाएकी छैन, उनीहरूले आयुषलाई जबर्जस्ती मोटरसाइकलमा राखेर भागे ।' जिल्ला प्रहरी कार्यालय सप्तरीका अनुसार अपहरित बालकको खोजीकार्य भइरहेको छ ।
source:-nayapatrika
Kantipur Fm 
0 commentaires