४ फागुन, काठमाडौं । क्याम्बोडियाको एक अदालतले आतङकारी समुह अलकायदाको सदस्य भई काम गरेको ठहर गर्दै एक नेपालीलाई आठ वर्षको काराबास सजाय सुनाएको छ ।
नेपालीसँगै अन्य दुई बंगलादेशी नागरिकलाई पनि अदालतले आतङ्ककारी गतिबिधीमा संलग्न भएको जनाउदै आठ वर्ष जेल सजायको निर्णय गरेको चीनिँया समाचार एजेन्सी सिन्हृवाले जनाएको छ । गत वर्षको अप्रिलमा अमेरिकी, अष्ट्रेलियाली र बेलायती राजदुताबासमा आक्रमण गर्ने धम्कीपूर्ण पत्रमा हस्ताक्षर गरेको भन्दै क्याम्बोडियाको राजधानीस्थित पेन्ह मुनिसिपल कोर्टले उनिहरुलाई सजाय फैसला गरेको हो ।
सजाय पाउनेमा ४४ वषिर्य नेपाली डी.पी. पौडेल, दुई बंगलादेशी नागरिकहरु रफिकुल एस्लामी (४२) र मिया महमद कबिर रहेका छन् । क्याम्बोडियामा गैरकानुनीरुपमा बस्दै आएका नेपाली पौडेललाई जेल सजाय पूरा भएपछि नेपाल डिपोर्ट गरिने बुझिएको छ ।
यसैबीच, बंगलादेशी नागरिक कबिरले आफू निर्दोष रहेको भन्दै फैसलाविरुद्व अदालतमा रिट हाल्ने जनाएका छन् । अभियुक्तहरुले आरोपको अस्विकार गरे पनि आफ्नो बचाउमा पर्याप्त प्रमाण जुटाउन नसकेपछि उनिहरुमाथि कारबाही निर्णय सुनाइएको हो ।
source:-onlinekhabar









0 commentaires