४ फागुन, काठमाण्डौ । संचार उद्यमी जमिम शाह र तत्कालीन सांसद मिर्जा दिल सादबेगको हत्या अभियोग लागेका भारतीय अन्डरवल्र्डका नाइके भरत नेपालीको बैंककमा गोली हानी हत्या गरिएको छ ।
भारतीय संचारमाध्यमहरुले मुम्बई प्रहरीको हवाला दिंदै भरत नेपालीलाई बैंककमा गोली हानी हत्या गरेको बताएका छन् । एक सपिङ सेन्टरमा किनमेल गरि फर्किरहेका बखत दुई जना बन्दुकधारीले गोली हानी उनको हत्या गरेको बैंकक प्रहरीले भारत सरकारलाई जानकारी गराएको जी न्यूजले छापेको छ । यद्यपी परराष्ट्र मन्त्रालयमार्फत थप जानकारी लिने काम भइरहेकाले विस्तृत बिबरण दिन नसकिने मुम्बई प्रहरीले बताएको छ ।
सुरुमा भारतीय अन्डरवल्र्ड समुह छोटा राजनको सदस्य रहेका नेपालको वास्तविका नाम भगवन्त सिंह हो । सन् २००५ मा राजन समुहबाट अलग्गिएर समानान्तर समुह संचालन गर्दै आएका नेपालीले पछिल्लो समय स्पेशटाइम नेटवर्कका संचालक जमिम साहको काठमाण्डौंमा हत्या गरेका थिए । साहको हत्यापछि उनले बिभिन्न संचारमाध्यममा फोन गरेर हत्याको जिम्मेवारी लिएका थिए ।
source:-onlinekhabar









0 commentaires