मिथिलेश यादव, राजविराज, फागुन ११- सप्तरीको राजविराजबाट अपहरित पाँच वर्षीय बालकलाई मुक्त प्रहरी प्रशासन असफल भएको भन्दै सप्तरी जिल्ला भरका शैक्षिक संस्था बुधवार बन्द गरिएको छ।राजविराजस्थित गौतम शिशु निकेतनमा नर्सरी अध्यनरत ५ वर्षीय बालक आयुष साह सोमबार अपहरणमा परेका हुन्।
दुई दिन बितिसक्दा पनि अपहरित बालकबारे कुनै सुराक फेला नपारेको विरोधमा यहाँस्थित शैक्षिक संघ संगठन आन्दोलनमा उत्रेका हुन्। नेपाल शिक्षक युनियन सप्तरीका अध्यक्ष भोगेन्द्रप्रसाद यादवका अनुसार, मंगलबार जिल्लाका प्रशासन प्रमुख र प्रहरी प्रमुखलाई ज्ञापन पत्रमार्फत् बालक मुक्त गराउन २४ घण्टे अल्टिमेटम दिए पनि प्रहरी प्रशासनबाट चित्तबुझ्दो जवाफ नआएपछि शैक्षिक संस्था बन्द गरी आन्दोलनमा उत्रनु परेको हो।
सप्तरी प्रहरी प्रमुख भोगबहादुर थापाले अपहरित बालकको खोजीका लागि सिमापारिमा समेत सुरक्षाकर्मीको टोली परिचालन गरिएको बताए।
बालक स्कुलबाट राजबिराज ५ स्थित घर फर्कँदै गर्दा मोटरसाइकलमा आएका ब्यक्तिहरुबाट अपहरित भएका हुन्।
source:-nagriknews
Kantipur Fm 
0 commentaires