काठमाडौ, फाल्गुन ८ - किरातेश्वर संगीत आश्रमले बाँसुरीवादक दुर्गा खतिवडा र कथक नृत्यकार सुरेश मिश्रलाई पुरस्कृत गरेको छ ।
खतिवडाले किरातेश्वर पद्मपि्रया हरिपि्रया रेग्मी युवा पुरस्कार र मिश्रले किरातेश्वर संगीताश्रम पुरस्कार प्राप्त गरे । पद्मपि्रया हरिपि्रया रेग्मी युवा पुरस्कार २५ हजार रुपैयाँको हो भने किरातेश्वर संगीताश्रम पुरस्कार १० हजार रुपैयाँको ।
संगीत आश्रमले १८ औं बाल शास्त्रीय प्रतियोगिताका विजेताहरूलाई पनि शुक्रबारै पुरस्कार वितरण गर्यो । शास्त्रीय गायन, सुरवादन र तालवादन गरी तीन विद्यामा उत्कृष्ट १२ बालबालिकालाई संगीतज्ञ अम्बर गुरुङले पुरस्कार हस्तान्तरण गरेका थिए । गायनतर्फ शीतल थापा पहिलो, सुदीप बडाल दोस्रो र शोभना पौडेल तेस्रो भएका थिए । सुरवादनमा मितिमा शाक्य पहिलो, युरिका शाक्य दोस्रो र स्मृति तेस्रो भएका थिए भने तालवादनमा अजयदास चौधरी, सपत शाक्य र र शशीन्द्रराज श्रेष्ठ यो क्रममा रहेका थिए ।
'बालबालिका देशका ऐना हुन्,' संगीतज्ञ गुरुङले भने, 'यिनीहरूमा उत्साह जगाइदिनु हाम्रो दायित्व हो ।' किरातेश्वर संगीत आश्रमका अध्यक्ष शेषनारायण श्रेष्ठले वरिष्ठ सरोदवादक मोहनसुन्दर श्रेष्ठको सम्मानमा २५ हजार रुपैयाँको नयाँ कोष खडा गरेको जानकारी पनि दिए ।
source:-kantipur
Kantipur Fm 
0 commentaires