२६ माघ, काठमाडौं । प्रजातन्त्र र विश्व मामिला हेर्ने अमेरिकी उपराज्यमन्त्री मारिया ओटारियोले आगामी शनिबारदेखि नेपालको तीनदिने भ्रमण गर्नुहुने भएको छ ।
अमेरिका र राष्ट्रसंघको संयुक्त प्रयासमा नेपालमा हुने प्रकोप जोखिम न्यूनीकरणसम्बन्धी गोष्ठीको उदघाटन समारोहमा उहाँ सहभागी हुने बताइएको छ ।
उहाँ भारत, भुटान हुँदै नेपाल आउने अमेरिकी विदेशमन्त्रालयद्वारा जारी विज्ञप्तिमा जनाइएको छ । उहाँ भारतको तीनदिने भ्रमणका लागि मंलबार नयाँदिल्ली आएका अटारियो शुक्रबार भूटान जाने कार्यक्रम छ । भुटानमा रहँदा उहाँले अन्तराष्ट्रिय मुद्दाका साथै नेपालमा लामो समयदेखि रहेका भुटानी शरणार्थीका विषयमा पनि कुरा गर्ने विज्ञप्तिमा उल्लेख छ ।
उहाँले नेपालमा रहँदा उच्च अधिकारीका साथै नागरिक समाजका प्रतिनिधिसँग छलफल गर्ने जारी विज्ञप्तिमा जनाइएको छ ।
source:-onlinekhabar









0 commentaires