९ फागुन, काठमाडौं । काठमाडौको मित्रपार्कमा सोमबार बिहान पानी ट्याङ्करको ठक्करबाट दुईजना गम्भीर घाईते भएपछि चाबहिल-गौशाला क्षेत्र तनावग्रस्त भएको छ । ठक्कर दिने ट्याङ्कर चालकलाई कडा कारबाहीको माग गर्दै पशुपति क्याम्पसका विद्यार्थीहरुले गरेको प्रदर्शनमा प्रहरीले हस्तक्षेप गरेपछि स्थिति तनावग्रस्त भएको हो ।
प्रहरी र विद्यार्थीबीचको झडपमा दर्जनौं विद्यार्थी र १२ जना प्रहरी घाइते भएका छन् । स्थिति नियन्त्रणमा लिन प्रहरीले दर्जनौं सेल अश्रुग्याँस प्रहार गरेको छ ।
सोमबार बिहान ६ बजे पशुपति क्याम्पस अगाडी बा २ ख ६९४१ नम्बरको ट्याङकरको ठक्करबाट सोही क्याम्पसमा अध्ययनरत धुम्बाराहीकी १७ वर्षीया तेजकुमारी सुवेदी र गौरीघाटका २९ वर्षीय धनबहादुर खड्का गम्भीर घाईते भएका छन् । घाईते दुबैको चावहिलस्थित ओम अस्पतालमा उपचार भइरहेको छ ।
पानी ट्याङकरलाई नियन्त्रणमा लिएपनि चालक फरार छन् । घटनापछि आक्रोशित विद्यार्थीहरुले ठक्कर दिने ट्याङकर तोडफोड गरेपछि प्रहरीले रोक्ने क्रममा झडप भएको हो ।
source:-onlinekhabar









0 commentaires