बारा, माघ १४ - बाराको जितपुरमा केही भैंसी ब्यापारी र प्रहरीबीच शुक्रवार दिउसो झडप भएको छ । प्रहरीले स्थिति नियन्त्रणमा लिन १५ राउण्ड हवाई फायर गरेको छ ।
घटनामा २ प्रहरी सहित ६ ब्यापारी घाइते भएका छन् । आक्रोशित स्थानीय तथा भैंसी ब्यापारीले प्रहरी चौकीको बार समेत तोडेका छन् ।
ईलाका प्रहरी कार्यालय जितपुरका ईञ्चार्ज प्रहरी नायब निरीक्षक अरुण कुशवाहाका अनुसार-प्रहरीले मर्न लागेको पाँच वटा भैंसिलाई बजारमा लग्न नदिए पछि भैंसी ब्यापारी आक्रोशित भएका थिए ।
उनीहरुले भैंसी लग्न पाउनु पर्छ भन्दै आफ्नो आक्रोश पोखेका थिए । भारतबाट पर्सा जिल्लाको जयमंगलापुरको बाटो हुदै जितपुर भैसी बजारमा ट्रेक्टरबाट बेहोस अवस्थामा रहेको भैंसी बेच्न ल्याउँदा प्रहरीले बाटोमै रोकेको हो ।
आफूहरुले पहिले यस्ता भैंसी लग्दा कुनै रोकटोक नभको र आज यसरी रोकटोक भएको जनाउदै ब्यापारीहरु प्रहरी माथि खनिएका हुन् ।
आक्रोशित व्यपारी समूहले गरेको ढुंगामुढाको कारण प्रहरी हवल्दार नरोत्तम थापा र जवान सोनालाल पटेल सामान्य घाइते भएका छन ।
सोही क्रममा बढी भैंसी ब्यापारी पनि घाईते भएको र उनीहरुको नाम खुल्न नसकेको प्रहरीले जनाएको छ । प्रहरीले जाकिर मियालाई नियन्त्रणमा लिएको छ ।
स्थिति नियन्त्रणमा रहेको बाराका प्रहरी उपरीक्षक मनोज न्यौपानेले बताए । आक्रोशित ब्यापारीहरुले भैंसीलाई आफ्नो नियन्त्रणमा लगेको ईलाका प्रहरी कार्यालय सिमराले जनाएको छ ।
source:-ekantipur
Kantipur Fm 
0 commentaires