स्मृति उद्यान ओझेलमा

 १२ मंसिर, जनकपुरधाम । धनुषाको जनकपुर सहिदनगरस्थित ‘महिला स्मृति उद्यान’ संरक्षणका अभावमा आझेलमा पर्दै गएको छ ।
धनुषा जिल्लाको यदुकोहामा २०४६ सालको जनआन्दोलनका क्रममा फागुन ९ गते नेपालमा सबैभन्दा बढी एकै ठाउँमा महिला सहिद भएको स्थानमा सम्मानपूर्वक सो उद्यान निर्माण गरिएको हो ।
उद्यानमा जानकीदेवी यादव, सोनावतीदेवी यादव, मुनेश्वरीदेवी यादव एवम् रामनारायण यादव र उदयशङ्कर मण्डलको शालिक छ । विक्रम संवत् २०४६ साल फागुन ९ गते जनआन्दोलनका क्रममा प्रहरीको गोलीद्वारा यी योद्धाहरूले सहादत प्राप्त गर्नुभएको थियो ।
प्रजातान्त्रिक आन्दोलनमा आफ्नो जीवन उत्सर्ग गरेकी उदयशङ्करकी आमा राजवतीदेवी मण्डल भन्नुहुन्छ-’उद्यानको संरक्षण छैन, बाहिरबाट कसैको आगमन भयो भने मात्र त्यो दिन सरसफाइ गरिन्छ ।’