मोबाइलमा सेभ भएका नम्बर जोगाउने तरिका

न्युयोर्क - मोबाइल सेट परिवर्तन गर्ने तयारी गर्दा आफूले 'सेभ' गरेका थुप्रै नम्बरहरु कसरी जोगाउने भन्ने चिन्ता सबैमा हुने गर्छ। मोबाइल हराउँदा मोबाइलभन्दा त्यसमा रहेका नम्बरहरुको मूल्य बढी लाग्ने गर्छ। मोबाइलका नम्बर कसरी जोगाउने त ? मोबाइलमा 'सेभ' गरिएका नम्बरहरुलाई 'व्याकअप'मा राख्‍नु सबैभन्दा राम्रो उपाय हो। जिमेल अकाउन्टमा ब्याकअप राख्‍ने हो भने तपाँईको सेट हराउँदा नम्बर हराएको चिन्ता थपिने छैन।


जीमेल छैन भने साइन अप गर्नुस्। र तपाँईको मोबाइल फोनमा जीपीआरएस 'एक्टिभेट' गर्नुस्। अब तपाँईको एड्रेस बुक सुरक्षित राख्‍ने आधार तयार भयो।

त्यसपछि गुगल.कम/मोबाइल/सिन्क मा लगइन गर्नुस्। गुगलले तह तहमा तपाँईलाई मोबाइल सेट अनुसारको पूरा गर्नुपर्ने प्रकृयाको जानकारी दिन्छ। यो सुविधा आइफोन, व्ल्याकवेरी देखि नोकिया तथा विन्डोज मोबाइल लगायतकामा पनि उपलव्ध छ।

जव तपाँईले नयाँ मोबाइल लिनु भयो भने जिमेलको त्यही अकाउन्टबाट मोबाइलमा नम्बर सेभ गर्न सकिन्छ। एन्ड्रोइड रहेको मोबाइलमा यो अझ सहज हुन्छ।
एन्ड्रोइड फोन छ भने जिमेलसँग सिंक्रोनाइज हुनासाथ सोझै मोबाइलमा तपाँईले राखेका नम्बरहरु सेभ हुनेछन्।
source:nagriknews