द्धन्द्ध पिडित बालबालिकालाई राहत

Share

बिनोद नेपाल,सर्लाही श्रावन—४,सक्रिय युवाहरुबाट सञ्चालीत चौतारी  युवा समूह हरिवनले श्री पञ्चइसाका प्रा.वि घुर्कौलीका द्धुन्द्ध पिडितवालबालीका लागी राहत सामाग्री संकलन गरि उपलब्द गराएको छ । उक्त समुहले बुधवार विद्यालय प्राङगणमा एक कार्यक्रम विच विद्यालयका ३२ जना द्धुन्द्ध पिडित बालबालिकाकालागी चामल, कपि ,कलम ,रुमाल लगाएतका सामाग्री उपलब्ध गराएको हो । एकीकृत माओवादीका जिल्ला इन्चार्ज अच्युत काफ्लेको प्रमुख आतिथ्य रहेको कार्यक्रमलाई बालबालिकाले ”हामिलाई एउटै भाका र एउटै स्वर देउ भन्ने बोलको स्वागत गित गाएर कार्यक्रमका अतिथिहरुलाई स्वागत गरेका थिय । यस बाहेक बालबालिकाले छुवाछुत सम्बन्धि गित पनि कार्यक्रममा गाए । सोही विद्यालयमा कक्षा ६ मा अध्यनरत छात्रा सविता शान्तिले यसरी विभिन्न संस्था र दाताहरुले आफुहरुलाई सहयोग गरेकोमा खुसी व्यक्त गर्दै सबैलाइ धन्यवाद प्रकट गरिन । चौतारी युवा समुहलाई राहत संकलन कार्यमा चामल दिएर सहयोग गर्ने गा. वि. स घुर्कौली लगायत गां विं स. हरिवन र अन्य व्यक्ती तथा संस्था हरुका प्रतिनिधिहरु, राजनितिक दलका व्यक्तीत्व हरु कार्यक्रममा उपस्थित थिए । चौतारी युवा समुहले विगतका वर्ष हरुबाट यसरिनै द्धुन्द्ध पिडित, अग्नि पिडित, बाडि पिडित लाई सहयोग र अन्य सामाजिक कार्यहरु गर्दै आएको जानकारी समुहका अध्यक्ष एवम कार्यक्रमका सभापति राधा कृष्ण प्याकुरेलले दिए ।