२६ असार, काठमाडौँ । संयुक्त लोकतान्त्रिक मधेसी मोर्चाले अर्थमन्त्री भरतमोहन अधिकारीलाई भेटेर आगामी बजेटमा आफ्ना कार्यक्रमलाई समेट्न ६ बुँदे दबाब पत्र बुझाउने भएको छ ।
मोर्चाघटक सद्भावना सह-अध्यक्ष लक्ष्मणलाल कर्णले बिहान ११ बजे अर्थ मन्त्रालयमा भेटेर मोर्चाका तर्फबाट अर्थमन्त्रीलाई ६ बुादे अल्टिमेटमपत्र बुझाउन लागिएको जानकारी दिनुभयो ।
अल्टिमेटम पत्रमार्फत मोर्चाले आर्थिक वर्ष ०६८/०६९ मा पूर्व-पश्चिम रेलमार्ग, हुलाकी राजमार्ग, तराइमा अन्तर्राष्ट्रिय विमानस्थल, विश्वविद्यालय लगायत मधेस केन्दि्रत कार्यक्रमलाई प्राथमिकता दिन माग गर्न लागेको हो । यसअघि व्यवस्थापिका संसदबाट शुक्रबार पारित गरिएको आगामी वर्षको सरकारी नीति तथा कार्यक्रममा मधेस आन्दोलन शब्द उल्लेख नगरेकामा मधेसवादी दल रुष्ट छन् । आइतबार बसेको मोर्चाघटकको बैठकले आफ्ना कार्यक्रम बजेटमा नपारे संसदबाट बजेट पारित गर्न नदिने चेतावनी दिएको थियो ।
नीति कार्यक्रम पहाडमूखी रहेको आरोप लगाउादै मोर्चाले बजेटमा पनि तराइलाई उपेक्षा गरिए असामान्य रुपमा प्रस्तुत हुने निर्णय गरिसकेको छ । अर्थमन्त्री अधिकारीले आगामी ३० असारमा व्यवस्थापिका संसद समक्ष आर्थिक वर्ष ०६८/०६९ को अनुमानित आय तथा व्यको विवरण पेश गर्ने कार्यक्रम छ ।
यसैबीच अर्थमन्त्रीले आजै आगामी बजेटका विषयमा प्रमुख विपक्षी नेपाली कांग्रेसका नेताहरुसाग पनि परामर्श गर्न लाग्नुभएको छ । सरकारले विकासमुखी भन्दा वितरणमुखी ‘पपुलिस्ट’ बजेट ल्याउने तयारी गरेको भन्दै कांग्रेसले आलोचना गर्दै आएको छ ।


0 commentaires