२४ असार, काठमाडौँ । नेपाल शैक्षिक गणतान्त्रिक मञ्चको आहृवानमा शुक्रबार उपत्यकासहित मुलुकभरका सार्वजनिक तथा निजी विद्यालयका पठनपाठन ठप्प भएका छन् ।
मञ्चले यसअघि पटकपटक आन्दोलन मार्फत ध्यानाकर्षण गराउादा पनि आफ्ना मागहरुबारे सरकार र सम्बद्ध निकायले चासो नदेखाएको भन्दै ३३ शुत्रीय मागसहित बन्द आहृवान गरेका कारण मुलुकभरका पूर्वप्राथमिकदेखि कक्षा १२ सम्मको पठनपाठन अवरुद्ध भएको हो ।
सेवा अवधि गणना गरी अस्थायी शिक्षकलाई प्रकृया पुर्याएर स्थायी गर्नुपर्ने, सामुदायीक विद्यालयका शिक्षक तथा कर्मचारीलाई स्थायी दरवन्दी व्यवस्था गर्नुपर्ने तथा आस्थाका आधारमा पेशाबाट हात धुन बाध्य पारिएका शिक्षकहरुको पुनर्वहाली हुनुपर्नेलगायतका माग राखेर मञ्च आन्दोलनमा उत्रिएको हो । मञ्चका महासचिव लालबहादुर बीसीले माग पूरा नभए आउँदो दिनमा थप कडा संघर्षमा उत्रने चेतावनी दिए ।
यसअघि मञ्चको आहृवानमा अस्थायी शिक्षकले शिक्षामा लगाइादै आएको कम्पनी ऐन खारेजी, विद्यालयका शिक्षक कर्मचारीको एउटै साझा संगठन निर्माण, शिक्षक तथा कर्मचारीको निशुल्क बिमाको व्यवस्था, शिक्षा ऐन २०२८ खारेज गरी नयाँ शिक्षा ऐन लागू गर्नुपर्ने लगाएतका माग राखेर बुधबार र बिहीबार नायाँ बानेश्वरस्थित संविधान सभा भवन अगाडि धर्ना दिएका थिए । मञ्चले आज पनि अपरान्हृ संविधानस सभा भवन अगाडि प्रशर्दन गर्ने महासचिव थापाले जानकारी दिए ।
onlinekhabar
Kantipur Fm 
0 commentaires