लुट्न आएकाले गोली चलाउँदा एक घाइते

दिलीप पौडेल, बाग्लुङ,जेठ २२- बाग्लुङ जिल्लाको रेस गाविसमा रातको समयमा हतियार सहित करिव चार जनाको समुहमा आएका लुटेराहरुको एक समूहले गोली चलाउँदा एक जना घाइते भएका छन्। रातको समयमा घरभित्र पसी घरमूली थमनलाई कोठामा राखेर लुटपाट गर्न थालेपछि छोरी सरस्वतीले हारगुहार गर्दा उनीहरुले गोली चलाएका थिए।     घाइते हुनेमा रेस-१ धनेखोरियाका थमन कार्कीकी छोरी सरस्वती कार्की रहेकी छिन्। कार्कीको निधारमा चोट लागेको छ। कार्कीलाई थप उपचारको लागि बाग्लुङ ल्याइएको छ। लुटेराहरुको समूहले थमन कार्कीको घरबाट तीन वटा मोबाइल र एउटा सुनको सिक्री लुटेर लगेको स्थानीय बासिन्दा सीता कार्कीले बताइन्।     घटनामा संलग्न भएको आशंकामा स्थानीय एक युवकलाई पक्राउ गरेको प्रहरीले जनाएको छ। घटनाको अनुसन्धान भइरहेको प्रहरीले जनाएको छ।

nagriknews