२७ जेठ, काठमाडौँ । अज्ञात नकावधारी समूहले चितवन मेडिकल कलेजको विद्यार्थी बोकेको बसमा शुक्रबार बिहान आगजनी गरेको छ ।
भरतपुर-१४ तोरीखेतस्थित कलेजको छात्रावासबाट अध्ययनका लागि विद्यार्थी बोकेर आउँदै गरेको बा१ख ६०४६ नम्बरको बसमा ५-७ जनाको संख्यामा मोटरसाइकलमा आएका नकावधारीले आगो लगाएका हुन् ।
विद्यार्थीहरुले छात्रावासबाट हिँडेलगत्तै रुमालले अनुहार ढाकेका ५-७ जना नचिनेका मानिसहरुको समूहले चालकलाई बस साइड लगाउन लगाएर आफूहरुलाई ओराले लगत्तै पेट्रोल छर्किएर आगो लगाई भोगेको बताएका छन् ।
आगजनीबाट बस पूर्ण रुपमा जलेर नष्ट भएको छ । विद्यार्थी भने सकुशल छन् । घटनाका कारण विद्यार्थी र त्यसक्षेत्रका स्थानीय बासिन्दा आतंकित बनेका थिए ।
प्रहरीले घटनामा संलग्नको पहिचान नभएपनि उनीहरुको खोजीकार्यलाई तीव्रता दिइएको जनाएको छ । घटनाबारे मेडकिल कलेजले भने अहिलेसम्म केही बोलेको छैन
onlinekhabar
Kantipur Fm 
0 commentaires