ट्याक्टर दुर्घटनामा एकको मृत्यु, ७ घाइते

राजकुमार कार्की सिन्धुली, जेष्ठ २९ - सिन्धुलीको रानिचुरी-७, तिनतलेमा आइतबार बिहान भएको ट्याक्टर दुर्घाट्ना परी एक जनाको मृत्यु भएको छ भने ७ जना घाइते भएका छन् । सिन्धुलीमाढीबाट चकमके तर्फ जाँदै गरेको ना ३ त ६४१८ नंम्बरको ट्याक्टर दुर्घट्नामा परी जरायोटार गाविस ९, लंगुर खोलाका ५९ वर्षीय कर्णबहादुर परियारको  घट्ना स्थलमै मृत्यु भएको प्रहरीले जनाएको छ ।  दुर्घट्नामा परी मृतक परियारकी ५५ वर्षीय श्रीमती लालिमाया परियार, भिमस्थान-७, डुडेका सोमबहादुर भोलन, आम्बोटका छत्रबाहादुर मगर, भिमस्थानका सोमराज थिङ, कमलामाई नगरपालीका ७ रामपुरका हस्तबहादुर वल सन्जय स्याङ्गतान, सितामाया तामाङ्ग घाइते भएका छन् ।  घाइते मध्ये थिङ्गलाई थप उपचारका लागि महोत्तरीको बर्दिवास लगिएको छ । अन्य घाइतेहरुको जिल्ला अस्पताल सिन्धुलीमा उपचार भइरहेको छ । साँघुरो बाटोमा ट्याक्टर मोड्ने क्रममा टेलर पल्टीए पछि सो दुर्घटना भएको हुन सक्ने प्रहरीले जनाएको छ ।  ट्याकटरका चालक बेदबहादुर पुलामीलाई प्रहरीले नियन्त्रणमा लिएको छ । यस अघि गत सोमबार सोही स्थानमा यात्रुबाहक बस दुर्घट्ना हुँदा ४ जनाको ज्यान जानुका साथै ४० जना गंम्भीर घाईते भएका थिए । जिल्लाका विभिन्न स्थानमा वैशाख यता तिन ठुला यात्रुबस र तीन ट्याक्टर दुर्घटना भएका छन् । तिघटनामा परी २३ जना सर्वसाधरणको ज्यान गएको छ ।

ekantipur