यौन सम्बन्ध राख्नुको रहस्य

कुनै पनि विवाहित महिलाले आफ्ना पुरुषसंग यौन सम्बन्ध किन राख्दा होलान् ? उनीहरूमा त्यस्तै रुचि हुंदो हो कि साथीको चित्त बुझाउन मात्र एउटा अनुसन्धानले के देखाएको छ भने वैवाहिक जीवन शान्तिपूर्ण रहिरहोस्, विना कारणको टाउको  दुखाईमा पर्न नपरोस् भनेर उनीहरू पतिसँग सर्वाधिक एकान्त क्षण बिताउन चाहन्छन् ।

उनीहरूको सूचीमा रोमान्सको स्थान निकै पछि हुन्छ । टेक्सस विश्वविद्यालय अन्तर्गत मनोविज्ञानका प्राध्यापक सीडी मेस्टन र डेभिड बसद्वारा लिखित ’ह्वाई विमेन ह्याभ सेक्स ?’ (महिला किन यौन सम्बन्ध राख्छन् ?) पुस्तकमा पत्नीले पतिसंग यौन सम्बन्ध राख्नुका दुई सय कारण उल्लेख गरिएको छ । यो पुस्तकका लागि गरिएको अनुसन्धानमा एउटी महिलाले केसम्म भनेकी छन्् भने पतिले शुक्रकीट बाहिर निकाल्न सकून् भनेर मात्रै ऐकान्तिक क्षण बिताउने गरेको बताएकी छन् ।स अहिलेसम्मको मान्यता अनुसार पुरुषहरुलाई महिला यौन रुपमा आकर्षक (सुक्सुअली अट्याक्टिभ) लाग्छन् तर महिलाले पुरुषमा यस्तो कुनै कुरा भेट्दैनन् । अनुसन्धानका समय प्रा. मेस्टनले एक हजार महिलाको अन्तर्वार्ता लिए । त्यसमा महिलाले पुरुषसंग सुत्नु पर्नाका थुप्रै कारण बताए । एउटी महिलाले आध्यात्मिक अनुभूतिका लागि सेक्स गर्ने बताइन् । उनका अनुसार सेक्स ईश्वरलाई नजिकबाट अनुभव गर्ने राम्रो माध्यम हो । तर धेरैजसो महिलाले यौन सम्बन्ध राख्नुको कारण घरेलु शान्ति रहेको बताए । ८४ प्रतिशत महिलाले के स्वीकारगरे भने जीवनमा शान्ति कायम होस् वा घरसंसारको आवश्यकता पूर्ति हुंदै जाओस् भनी पतिसंग यौन सम्बन्ध राखिन्छ । जीवनमा उल्लास छाओस् भनेर  यौन सम्बन्ध राख्छ, एउटी महिलाले भनेकी छिन्– किनभने सेक्स गर्नु झगडा गर्न भन्दा बढी सजिलो छ । कतिपय महिलाका लागि यस्तो सम्बन्ध माइग्रेन र टाउको दुखाई भगाउने उपचार रहेछ । अनुसन्धानमा केही महिलाले जे भने, त्यो प्रायलाई अनौठो लाग्छ सक्छ । एउटी महिलाले भनेकी छन्– मैले पुरुषसंग किन सम्बन्ध राखें भने उसमाथि दया लागिरहेको थियो । करिव १० प्रतिशत महिलाले उपहार पाउने आसमा यौन सम्बन्ध राखेको उल्लेख गरे । केहीले चाहिं आफ्ना लागि पुरुषले डिनर आयोजना गरेकाले त्यस्तो कर्म गर्नु परेको बताए । विश्वविद्यालय छात्रामा गरिएको सर्वेक्षणमा १० मध्ये ६ जनाले सामान्यतया आफ्ना ब्वाइफ्रेण्ड बाहेकका पुरुषसंग पनि शारीरिक सम्बन्ध बनाइसकेको स्वीकार गरे । ती मध्ये कतिपयले आफ्नो सेक्सुअल परफर्मेन्स राम्रो बनाउन यौन सम्बन्ध राख्ने गरेको बताए । एउटी छात्राले भनिन्– मैले ब्वाइफ्रेण्डसंग किन यौन सम्पर्क गरें भने म आफ्नो यौन क्षमता अरु राम्रो बनाउन चाहन्थें । उक्त अुनसन्धानबाट के पनि पत्ता लाग्यो भने महिलाहरू बढी आकर्षित, अग्ला, ओजनदार स्वर सुगन्धित शरीर भउको पुरुषसंग मरिहत्ते गर्छन् ।
मनोवैज्ञानिक अनुसन्धान अनुसार महिलाहरू मानसिक एवं भावनात्मक लोकमा जिउँछन् तर पुरुष शारीरिक एवं वैज्ञानिक आधारमा जिउँछन् । महिलाका लागि उनको कल्पना आधार हुन्छ भने पुरुषका लागि उसको मेहनत र क्रियालकपा । महिलाको स्वभाव दिनेर बाँड्ने हुन्छ भने पुरुषको स्वभाव प्राप्त गर्ने र त्यसमाथि रजाई गर्ने हुन्छ । यस्तै कारणले गर्दा महिला–पुरुष एक–अर्काका विपरीत हुन् र तिनको आवश्यकता, प्राथमिकता, इच्छा आदि पनि फरक छन् । तथापि दुवैमा एक–अ्रर्काप्रति प्रेम, आकर्षण र वासना हुन्छ । यही कुराले विपरीत भएर पनि उनीहरू एक–अर्काप्रति आकर्षित हुन्छन् । प्रकृतिले महिलालाई दिएको कुरा पुरुषसित छैन र पुरुषसित भएको कुरा महिलासित छैन । अतः यी दुई बीचको आकर्षण प्राकृतिक रुपमा पनि स्वभाविक छ । त्यसैले दुईबीच मिलन हुन्छ, आपसी मिलनबाट एक–अर्काको अधुरोपन पुरा गरी पूर्णता र तृप्ति हासिल हुन्छ । यो मिलन वा मिलनको कल्पना मात्रले पनि महिला–पुरुष दुवै रोमाञ्चित हुन्छन्, व्यक्ति प्रेमले भरिन पुग्छ । अतः यौनको आनन्द प्राप्त गर्न र प्रेम अनुभव गर्न महिला पुरुष आ–आफ्नो तरिका अंगाल्छन् ।

महिला–पुरुषको मनोविज्ञानलाई मध्यनजर गरेर कुरा गर्ने हो भने पुरुष यौनकालागि प्रेम गर्छ भने महिला प्रेम प्राप्त गर्न यौनका लागि स्वीकृति दिन्छन् । दुवैसित एक–अर्कालाई पूर्णता प्रदान गर्न बहाना र माध्यम उपलब्ध छन् । पुरुष दर्साएर आफ्नो भागको यौन सुख हासिल गर्छ भने महिला यौन सुख अनुभव गरेर वा यौनलाई स्वीकार गरेर आफ्नो भागको प्रेम प्राप्त गर्छिन् । वास्तवमा यो प्रेम र यौनको आदान–प्रदानबाट महिला–पुरुष दुवैमा एक गहन तृप्ति जन्मन्छ जसले प्रेमलाई अरु प्रगाढ र गहिराइमा लान्छ । प्रेम र यौन एक–अर्काका पूरक हुन् । अन्य अर्थमा हेर्ने हो भने पनि यौन प्रेमकै एक मजबुत पक्ष हो, जसका माध्यमबाट प्रेमीले आफ्ना भावनालाई यौनका माध्यमबाट अभिव्यक्त गर्छ । यौनको अर्थ सम्भोग मात्र नभएर शारीरिक क्रिया र इसारासित पनि सम्बद्ध छ जसका माध्यमबाट व्यक्तिले आफ्नो प्रेम दर्शाउँछ जुन कुरालाई शब्दमा व्यक्त गर्न सकिंदैन, त्यसलाई शारीरिक क्रियाका माध्यमबाट व्यक्त गर्न यौनले अवसर प्रदान गर्छ । मनको सम्बन्ध विना तनको सम्बन्धको कुनै अर्थ हुंदैन तर यदि आपसमा मानसिक सम्बन्ध राम्रो छ भने साथीको स्पर्श, चुम्बन, आलिङ्गन आदि आनन्ददायक अनुभव हुन्छ । आपसमा प्रेम छ भने त्यसलाई व्यक्त गर्न व्यक्तिले यी कुरालाई माध्यम बनाउंछ वा यी कुराले प्रेम सम्बन्धमा थाहै नपाई स्थान बनाउंछ । प्रश्न उठ्छ प्रेम भएर पनि यौन हुंदैन वा नहुने सम्भावना रहन्छ र आत्माको धरातलमा यसो हुन सक्छ तर साधारण भौतिक वा सांसारिक धरालतमा यस्तो सम्भव छैन । महिला–पुरुषबीच स्वाभाविक आकर्षण छ भने इच्छा  र इच्छाले तृप्तिको बाटो खोल्छ तर व्यक्तिले आफ्नो तृप्तिका लागि रोज्ने बाटो फरक हुने कुरा बेग्लै हो । किनभने विना प्रेम यौन सम्पर्क गर्नु एक प्रकारको बलात्कार हो । तर जो आफ्नो यौन सम्पर्क गर्दैन वा गर्न सक्षम हुंदैन, उसले 

आफ्नो शारीरिक तृप्तिका लागि अन्य माध्यम रोज्छ तन र मनले उसलाई आफ्नो इच्छा पूरा गर्न प्रेरित गर्छ ।