चटयाङबाट दुइको मृत्यु,एक घाइते

पर्सा वीरगन्ज),२५ जेठ । गएराति परेको चटयाङमा परी पर्सामा एक बालिकासहित दुइजनाको ज्यान गएको छ भने अर्की एक घाइते भएकी छन् ।घरमा खेलिरहेको अवस्थामा गएराति परेको चटयाङ लागेर पर्सा चोर्नी गाविसका स्थानीय ११ वर्षीया बालिका मनिषा चौधरीको ज्यान गएको जिल्ला प्रहरी कार्यालय पर्साले जनाएको छ । त्यसरी नै चटयाङमा परेर बैरियाबिर्ताका किसान मदन ठाकुरको पनि मृत्यु भएको छ । चोर्नी गाविसकी अर्की बालिका आरती गुरुङ गम्भीर घाइते भएकी छन् । घाइतेको उपचार वीरगन्जस्थित नारायणी उपक्षेत्रीय अस्पतालमा भइरहेको जिल्ला प्रहरी कार्यालयले जानकारी दिएको छ । मृतकको शव पोष्टमार्टमका लागि नारायणी अस्पतालमा राखिएको छ । त्यसरी नै हिजो दिउँसो आएको हावाहुरीका कारण पर्साकाे विभिन्न ठाउँमा क्षति पुगेको पनि समाचार प्राप्त भएको छ । रासस