पीडित घस्कु |
मोहन भट्टराई मोरङ, १४ जेठ : बोक्सोको आरोपमा एक पुरुषलाई मलमूत्र खुवाइएको छ । रंगेली-४ की एक महिलालाई काम्ने बिमार लागेपछि उनको परिवारले छिमेकी चम्पा मण्डललाई बोक्सोको आरोप लगाउँदै मलमूत्र ख्वाएका हुन् । स्थानीय मण्डललाई बोक्सा लागेको भन्दै सोही गाउँका धामीझाँक्री गर्दै आएका ५५ वषर्ीय घस्कु मण्डललाई चम्पाका श्रीमान् वीरेन्द्र मण्डल र छिमेकीले मलमूत्र ख्वाएका हुन् । दुई साताअघि स्थानीय धीरेन्द्र मण्डल टाउको दुख्ने समस्या र काम्ने बिरामी भएपछि घस्कुलाई बोलाएर झारफुक गर्न लगाएका थिए । त्यसपछि मण्डल झन् बिरामी भएपछि घस्कुलाई बोक्साको आरोप लगाइएको हो । धीरेन्द्रको शरीरमा देवता सवार भई काम्ने बिराम घस्कुकै कारण भएको भन्दै बक्न थालेपछि बिहीबार बिहान पञ्चानन्द मण्डल, वीरेन्द्र मण्डल, धीरेन्द्र मण्डल, सुरेश मण्डल र विशनदेव मण्डलसमेतको समूहले मलमूत्र खुवाएको घस्कुले बताए । मानसिक बिरामी भएका व्यक्तिलाई उपचार गर्नुको साटो घस्कुलाई बोक्साको आरोप लगाउँदै रंगेली चोकमा रहेको कालीमन्दिरमा कसम खान लगाउँदा पनि चित्त नबुझेपछि उनीहरूले मण्डललाई बिरामीको घरमा लगेर बोक्सा मलमूत्र खुवाएका थिए । पीडित घस्कुले आफूमाथि अन्याय भएको भनी रंगेली थानामा जाहेरी दिएपछि सोही आधारमा इलाका प्रहरी कार्यालय रंगेलीले पीडक भनिएका पञ्चानन्द र वीरेन्द्र मण्डललाई नियन्त्रणमा लिएको छ । अन्य अभियुक्तको खोजी भइरहेको र पक्राउ परेका मलमूत्र खुवाउनेहरूलाई कारबाही गर्ने इप्रका रंगेलीका प्रहरी निरीक्षक राजेश थापाले बताए ।
0 commentaires