दैलेख, जेष्ठ ८ - दैलेखको पाल्तडास्थित माथिल्लो कर्णाली जलविधुत परियोजानाको कार्यालयमा आइतवार अपरान्ह स्थानीयबासीले तोडफोड र आगजनी गरेका छन ।
स्थानीयको हितविपरित परियोजना निर्माण हुन लागेको भन्दै उनीहरुले तोडफोड र आगजनी गरेका हुन् । सामान बचाउँदै गर्दा कम्पनीका सुरक्षागार्ड नरबहादुर बोहरा र तोया विष्ट घाईते छन् ।
सदरमुकामस्थित नेपाली सेनाको रणशार्दूल गणले दिएको जानकारी अनुसार तोडफोड र आगजनीबाट परियोजनाका तीन वटै भवनमा पूर्ण क्षती भएको छ । आयोजनाका तीन कर्मचारी सम्पर्कबाहिर छन् । आयोजनाको सुरक्षाका लागि सेनाको एक गुल्म कार्यालयस्थलदेखि ४ किलोमिटर टाढा बस्दै आएको छ ।
५०/६० जनाको समुहमा आएका स्थानीयले तोडफोड गरेपछि आगो लगाएर भागेका थिए । इलाका प्रहरी कार्यालय दुल्लू र जिल्ला प्रहरी कार्यालय दैलेखबाट प्रहरी निरिक्षकको नेतृत्वमा छुटाछुटै प्रहरी टोली घटनास्थलतर्फ पठाएको प्रहरी नायब उपरिक्षक डिएसपी दिपक बस्नेतले जानकारी दिए ।
यसअघि सदरमुकाममा निर्माण कम्पनी जिएमआरद्धारा आयोजित एक अन्तरक्रिया कार्यक्रममा माओवादी, नेपाल मजदुर किसान पार्टी र जनमोर्चाका कार्यकर्ताले तोडफोड गरेका थिए । तर, माओवादीका जिल्ला ईन्चार्ज थिरबहादुर कार्कीले आगजनी गर्ने आफुहरुको कुनै योजना र संलग्नता नरहेको बताएका छन् ।
via ekantipur
0 commentaires